Финляндия ташқи ишлар вазири Пекка Ҳаависто мамлакат Швециядан олдин НАТОга аъзо бўлишга шошилмаётганини айтди. Бу ҳақда «ТАСС» хабар берди.
Ҳаависто НАТО бош котиби Йенс Столтенберг ва Швеция бош вазири Улф Кристерссон иштирок этган «Халқ ва мудофаа» конференциясида шундай баёнот берди.
«Биз НАТОга аъзо бўлиш учун биргаликда ариза топширдик ва бу жараённи биргаликда якунлаймиз», — деди жаноб Ҳаависто.
У Финляндия ҳарбий блокка қўшилишга шошилмаётгани ва Швеция тегишли сигнални олгунча кутишини айтди. Конференцияда Швеция бош вазири Кристерссон мамлакат НАТОга қўшилиш борасида Туркиянинг барча шартларини бажара олмаслигини билдирди.
«Туркия ваъда қилганимизни бажарганимизни тасдиқлайди, лекин у биз имконсиз нарсани бажара олмаслигимизни ва бера олмаслигимизни ҳам айтмоқда», — деди у.
2022 йил 18 май куни Финляндия ва Швеция НАТОга аъзо бўлиш учун ариза берган эди. Бир ой ўтгач, улар альянсга аъзо бўлиш эътирозини бартараф этиш учун Туркия билан уч томонлама шартнома имзолади.
Икки давлатнинг НАТОга аъзолиги Туркия ва Венгриянинг розилигига боғлиқ. Анқара Стокгольмдан террорчилар, жумладан курдлар ва FETO аъзоларини экстрадиция қилишни талаб қилмоқда. Швеция ва Финляндия парламентлари спикерлари 2023 йил январь ойида Туркия билан НАТОга аъзоликни муҳокама қилишни режалаштирмоқда.
Мавзуга доир:
Изоҳ (0)