Finlyandiya tashqi ishlar vaziri Pekka Haavisto mamlakat Shvetsiyadan oldin NATOga a’zo bo‘lishga shoshilmayotganini aytdi. Bu haqda “TASS” xabar berdi.
Haavisto NATO bosh kotibi Yens Stoltenberg va Shvetsiya bosh vaziri Ulf Kristersson ishtirok etgan “Xalq va mudofaa” konferensiyasida shunday bayonot berdi.
“Biz NATOga a’zo bo‘lish uchun birgalikda ariza topshirdik va bu jarayonni birgalikda yakunlaymiz”, — dedi janob Haavisto.
U Finlyandiya harbiy blokka qo‘shilishga shoshilmayotgani va Shvetsiya tegishli signalni olguncha kutishini aytdi. Konferensiyada Shvetsiya bosh vaziri Kristersson mamlakat NATOga qo‘shilish borasida Turkiyaning barcha shartlarini bajara olmasligini bildirdi.
“Turkiya va’da qilganimizni bajarganimizni tasdiqlaydi, lekin u biz imkonsiz narsani bajara olmasligimizni va bera olmasligimizni ham aytmoqda”, — dedi u.
2022-yil 18-may kuni Finlyandiya va Shvetsiya NATOga a’zo bo‘lish uchun ariza bergan edi. Bir oy o‘tgach, ular alyansga a‘zo bo‘lish e’tirozini bartaraf etish uchun Turkiya bilan uch tomonlama shartnoma imzoladi.
Ikki davlatning NATOga a’zoligi Turkiya va Vengriyaning roziligiga bog‘liq. Anqara Stokgolmdan terrorchilar, jumladan kurdlar va FETO a’zolarini ekstraditsiya qilishni talab qilmoqda. Shvetsiya va Finlyandiya parlamentlari spikerlari 2023-yil yanvar oyida Turkiya bilan NATOga a’zolikni muhokama qilishni rejalashtirmoqda.
Mavzuga doir:
Izoh (0)