2022 йил охирида жаҳон фонд ва облигациялар бозорлари 30 триллион доллардан кўпроқ зарар кўрди. Бу 2008 йилда жаҳон молиявий инқирози тугаганидан бери энг юқори кўрсаткичдир. Бу ҳақда Financial Times хабар бермоқда.
Бозорлардаги энг катта йўқотишларга инфляция, фоиз ставкаларининг ошиши ҳамда Россия ва Украина ўртасидаги уруш сабаб бўлди.
«Ривожланган ва ривожланаётган бозорлар акцияларининг МСCИ Алл-World кенг индекси ўз қийматининг бешдан бир қисмини йўқотди», — дея қайд этади FT.
Шунингдек, S&P 500 индекси деярли 20 фоизга, Nasdaq индекси 33 фоизга тушди.
Хитой биржалари индекслари юанда 22 фоизга, долларда 28 фоизга, МСCИ Europe индекси долларда 16 фоизга ва еврода 11 фоизга пасайди.
FT маълумотларига кўра, криптовалюта бозори 2022 йилда 1,7 триллион доллар йўқотган. Шунингдек, АҚШ қимматли қоғозларидаги пасайишни ҳам қайд этилди.
Электр автомобиль ишлаб чиқарувчи Tesla ўз қийматининг деярли учдан икки қисмини, чип ишлаб чиқарувчи Nvidia 50 фоиз, Apple ва Microsoft деярли 30 фоиз, Alphabet (Google бош компанияси) 40 фоиз бозор қийматини йўқотди.
Изоҳ (0)