Ўзбекистонда МИР тўлов тизими карталари фаолиятини тўлиқ тиклаш тўғрисида қарор қабул қилинмаган, бу масала кун тартибида эмас. Бу ҳақда Ўзбекистон Марказий банкига таяниб «ТАСС» хабар бермоқда.
Республикада МИР карталарининг тўлақонли фаолиятини қайта тиклаш ҳақида гап йўқ, — дея изоҳ берган Ўзбекистон Марказий банки вакили.
9 декабрь куни АҚШ Қозоғистон банкларига Россиянинг МИР тизимининг тўлов карталари билан операцияларни амалга оширишга рухсат берганди. Ўзбекистон Марказий банки томонидан ҳам шу хабар фонида изоҳ берилган.
Жорий йилнинг март ойида УзCarд техник сабабларга кўра МИР карталарига хизмат кўрсатишни тўхтатиб қўйган эди. Кейинчалик 1 августдан МИР карталаридан пул ўтказмалари қайта тикланган.
23 сентябрь куни Uzcard техник сабабларга кўра МИР карталарига хизмат кўрсатиш тўхтатилганини маълум қилди.
Аввалроқ Ўзбекистонда МИР карталарига хизмат кўрсатилмаётгани ҳақида хабарлар тарқалган эди. АҚШ МИР карталари туфайли хорижий банклар учун санкциялар хавфини эълон қилган.
Бунинг ортидан Туркиянинг иккита йирик банки МИР карталари билан операцияларни тўхтатган эди. Кейинчалик Қозоғистон ва Вьетнам банклари ҳам МИР карталарига хизмат кўрсатмаслигини маълум қилган.
Изоҳ (0)