Шуҳрат Ғаниев 4 январь куни президент маслаҳатчиси ўринбосари этиб тайинланди. Бу ҳақда ЎзА хабар берди.
У Иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчи ўринбосари бўлди.
Шуҳрат Ғаниев 2020 йил 25 сентябрь куни Ўзбекистон бош вазирининг аграр ва озиқ-овқат соҳаларини ривожлантириш масалалари бўйича ўринбосари лавозимида иш бошлаганди.
Қонунчилик палатаси депутатлари бир овоздан Шуҳрат Ғаниев номзодини бош вазир ўринбосари лавозимига маъқуллаган. Мажлисда Қонунчилик палатасининг 150 нафар депутатидан 122 нафари қатнашган.
Мавзуга доир: Бош вазир ўринбосари Шуҳрат Ғаниев Сенат аъзолигидан чиқарилди
Изоҳ (0)