Boat International нашри 2022 йилдаги энг йирик суперяхталар ҳақида маълумот берди. Жорий йилда 350 та янги яхта ишга туширилган, Lurssen компаниясининг 158 метрлик Blue суперяхтаси уларнинг энг йириги ҳисобланади.
Blue
Қурувчи: Германиянинг Lurssen компаниясиУзунлиги: 158 метр
Blue ҳозирда дунёдаги бешинчи энг катта яхта ҳисобланади. Теренcе Дисдале дизайн студияси яхтанинг ички ва ташқи кўринишини, жумладан, кеманинг иккала учидаги вертолёт майдончаларини, пляж клубига уланган сузиш платформасини ва қўшимча 80 экипаж аъзоси учун 48 та хонани ишлаб чиққан. Blue, шунингдек, дизель-электр гибрид двигатели билан жиҳозланган энг йирик яхталардан бири бўлиб, сувларни тозалашнинг инновацион тизимига эга.
Мазкур яхтанинг эгаси Шайх Мансур бин Зайид ал-Наҳаён ҳисобланади. Унинг акаси Шайх Абдулла 146 метрлик Опера яхтасига эгалик қилади.
Опера
Қурувчи: LurssenУзунлиги: 146,4 метр
Тафсилотлар кам бўлишига қарамай, Опера 2018 йилда Lurssen’нинг кемасозликда содир бўлган ёнғинда вайрон бўлган 145 метрлик Project Sassi яхтасининг реконструкцияси эканига ишонилади. Яхтанинг корпуси қайта тикланган, устки алюминий тузилмаси эса олиб ташланган. Яхта 2022 йилнинг сентябрида сувга туширилган ва шундан бери Шимолий денгизда синовдан ўтказилмоқда. У БАА асосчиси Шайх Зайид ибн Султон ал-Наҳаённинг ўғли Абдулла ибн Зайид ал-Наҳаёнга қарашли экани айтилмоқда.
Теренcе Дисдале ташқи ва ички дизайн учун масъул бўлган, яхта палубасида вертолёт майдончалари, шунингдек, иккита бассейн жойлашган. Айни пайтда яхта Lurssen қурган 100 метрдан ортиқ саккизта кемадан бири ҳисобланади.
Koru
Қурувчи: OceancoУзунлиги: 127 метр
Koru — Amazon асосчиси ва дунёдаги энг бой одамлардан бири Жефф Безос учун буюртма асосида қурилган ҳашаматли суперяхта. Кема Нидерландияда Oceanco томонидан 2021 йилда қурилган. Унинг узунлиги 127 метр бўлиб, қиймати 500 миллион долларга баҳоланган. Унинг дизайн жамоаси ва бортдаги қулайликларни ҳақида маълумотлар жуда кам.
Feadship 1010
Feadship 1010 шу номдаги компаниянинг 2022 йил август ойида тақдим этилган энг узун сотувга чиқарилган яхтаси бўлди. У 2018 йилда етказиб берилган 110 метрли Анна ўрнини эгаллади. 2022 йил бошида денгиз синовида бўлган яхтанинг асосий палубасида сузиш ҳавзаси, юқори палубасида эса катта вертолёт майдончаси мавжуд. Feadship 1010 тез орада етказиб берилиши кутилмоқда. У америкалик миллиардер Тилмен Фертиттага қарашли.
Abeking 6507
Қурувчи: Abeking & RasmussenУзунлиги: 118,2 метр
Қора корпусли яхтанинг ички ва ташқи кўриниши француз архитектори Жозеф Диран томонидан амалга оширилган. Сузиш ҳавзаси, вертолёт майдончаси ва Нептун сувости салонига эга. У расман немис кемасозлик заводи томонидан қурилган энг катта моторли яхта ҳисобланди. 250 миллион долларлик яхта дубайлик миллардерга тегишли, бироқ унинг номи очиқланмаган.
Oceanco Й720
Яхта дизайни Голландиянинг Sinot Yacht Architecture анд Design студияси томонидан ишлаб чиқилган. Oceanco Й720 тез орада етказиб берилиши кутилмоқда, у илғор ҳаракатлантирувчи тизимлар билан жиҳозланган. Охирги марта август ойида Шимолий денгизда синовдан ўтказилган. Америкалик кинорежиссёр, продюсер Стивен Спилберг унга эгалик қилади, яхтанинг нархи 250 миллион долларга баҳоланган.
Project Icecap
Яхта архитектураси Lurssen лойиҳаси томонидан ишлаб чиқилган, ташқи кўриниши Салт Шип Design томонидан яратилган. Кема йиғиладиган пляж клубига эга, у бортида 20 тагача меҳмонни сиғдира олади. Канадалик миллиардер Жон Картер Рисли 350 миллион долларлик мазкур яхтанинг эгаси ҳисобланади.
Project X
Қурувчи: Golden YachtsУзунлиги: 88 метр
2022 йилнинг август ойида тақдим этилган Project X нинг ташқи кўриниши британиялик таниқли дизайнер Кен Фрейвоч томонидан Triple X ишланган. Яхта шиша лифт, сузиш ҳавзаси, шахсий офис ва мажлис хонасини ўз ичига олади. Яхта бортида 14 нафаргача меҳмонни сиғдира олади. Исроиллик тадбиркор, энергетика саноати, кўчмас мулк ва олмос қазиб олишда фаолият юритувчи Бени Штейнмес яхта эгаси ҳисобланади.
Wanderlust
Қурувчи: SilverYachtsУзунлиги: 85,3 метр
Project Globalfast номи остида қурилган яхта максимал тезликка эриша олади. У ёнилғисиз ҳам денгизда узоқроқ туриши мумкин. Бортнинг бошқа хусусиятларига 16 нафар меҳмон ва 23 экипаж учун турар жой, спорт зали, вертолёт майдони киради. Wanderlust яхтасини ҳозирда ҳафтасига 896 минг евродан ижарага олиш мумкин.
Леона
Қурувчи: БилгинУзунлиги: 80 метр
Қизил корпусли Туркиянинг Билгин компанияси томонидан қурилган яхта дизайни Unique Yacht Design ва Британиянинг Ҳ2 Ячт Design студияси томонидан ишланган. У юнон ҳайкаллари билан безатилган пляж клуби, тунги осмон таассуротини бериш учун юқори оптик толали чироқларга эга.
Изоҳ (0)