Узоқ кутилган байрамга ҳам оз фурсат қолди: Янги йил учун безатилган кўчалар, арча дарахтлари ўзгача кайфият бағишлайди. Яқинлар учун совғалар харид қилинса-да, лекин байрамона кайфият ҳали пайдо бўлмаган бўлса, уларни фильмлардан топиш мумкин. The Symbol нашри байрамона кайфият улашувчи фильмлар номини санаб ўтди.
«Куперлар оиласи» (2015)
Ушбу комедия оила, севги ва одамлар ҳақида. Воқеа йил бўйи бир-бирини кўрмаган ва анъанавий тарзда Рождествони бирга нишонлашни хоҳлайдиган Куперлар оиласи атрофида содир бўлади. Лекин уларнинг байрами кўнгилдагидек ўтмайди, бунинг барчаси оила аъзолар ўртасидаги носамимий муносабатлар туфайли.
«Оилапарвар" (2000)
2000 йилларнинг классик Янги йил фильми. Бой, лекин ёлғиз ҳаёт кечираётган қаҳрамон ҳақидаги таъсирли ҳикоя. Лекин бир куни Қорбобо ёрдами билан ҳамма нарса ўзгаради. У тўсатдан барча пулларини йўқотади, лекин оиласини топади. Фильмда бош ролни Николас Кейж ижро этган. «Оилапарвар» эса байрам шукуҳини ҳис қилиш ва дам олиш учун ажойиб танловдир.
«Янги йилнинг 12 санаси» (2011)
Ҳақиқатан ҳам севиб томоша қилинадиган комедия, гарчи у 2011 йилда суратга олинган бўлса ҳам. Янги йил арафасида севгилиси билан ажрашган қиз мўъжиза билан бу кунни яна яшаш имкониятига, ҳамма нарсани тузатишга эришади. Рождествода ҳар қандай истак амалга ошиши мумкин бўлган самимий ҳикоя.
«Янги йил алмашинуви» (2011)
Фильм номи ва сюжети бўйича Камерон Диаз иштирокидаги таниқли «Таътил алмашинуви» фильмига ўхшайди. Аммо барибир, бу бутунлай бошқача ҳикоя. Бош қаҳрамон бошқа шаҳарда таҳсил олаётган қизини Рождество арафасида ажаблантиришга қарор қилади ва бунинг учун у маҳаллий профессор билан уйини алмаштиради. Бироқ у қизининг йигити билан саёҳатга кетганини билиб олади, лекин тасодифан ўзи ҳам бир инсон билан учрашади ва уни севиб қолади.
«Тўрт Янги йил» (2008)
Винс Вон ва Риз Уизерспун иштирокидаги машҳур Голливуд комедияси. Улар уч йилдан бери учрашади, лекин турмуш қуришга шошилмайди. Ҳаммаси ота-оналари туфайли: иккисининг ҳам ота-онаси ажрашиб, турмуш қурган. Шунинг учун жами бош қаҳрамонлар Рождествода ташриф буюриш учун тўртта оилага эга. Бунинг ўрнига улар таътилга чиқишга қарор қилади. лекин ёмон об-ҳаво туфайли парвоз бекор қилинади. Фильминг кейинги воқеаларини билмоқчи бўлсангиз, албатта, томоша қилиб кўринг.
Изоҳ (0)