«Айрилиқ», «Салом севги», «Эгизак ошиқлар» фильмлари ва «Юраклар жанги» сериалидаги ижроси билан мухлисларга яхши таниш бўлган актриса Ситора Алимжонова «М Коктейл» кўрсатувига берган интервьюсида шахсий ҳаётини сир тутиш сабаби, турмуш ўртоғи билан муносабати, «Севги» сериалидаги воқеалар ҳаётига ўхшаб кетиши, онаси оққон бўлгани, ўғлининг келажакда актёр бўлишига қарши экани, уни спортчи қилиш нияти борлиги ҳақида гапириб берди.
«Шахсий ҳаётимда ҳеч қандай ўзгариш йўқ»
Ҳаётда ҳамма нарса бўлар экан, шахсий ҳаёт ҳақида ҳадеб гапираверса, қизиғи қолмайди. Ҳозирда Муҳаммадаминнинг отаси билан алоқаси бор, фақат кўришиб туради. Шахсий ҳаётимда ҳеч қандай ўзгариш йўқ, боримни болам ва ижодга бағишладим.
«Фарзандимни яхши тарбиялаб, Ўзбекистон футболини жаҳон чемпионатига олиб чиқадиган даражада футболчи қилмоқчиман»
Ҳеч қачон ўғлимни актёр қилмайман. Унинг мухлислари санъатдан эмас, спортдан бўлсин. Ҳаттоки болам туғилмаган пайтда ҳам битта спортчи ўғлим бўлади деб ният қилардим. Бўлганда ҳам бутун дунё танийдиган машҳур спортчи бўлади, деганман. Фарзандимни яхши тарбиялаб, Ўзбекистон футболини жаҳон чемпионатига олиб чиқадиган даражада футболчи қилмоқчиман. Ҳозир бор хатти-ҳаракатимни шунга қаратганман.
«Онам оққон касаллигига чалинган эди, «Севги» сериалидаги шу саҳналар менинг ҳаётимга жуда ўхшаш»
Фарзандимни дунёга келтирганимдан кейин депрессияга тушиб қолдим. Мана шу нарса менда бўлмайди, деб ўйлаган эдим. Ўша пайтлари жуда кўп онамни эсладим. Суратга олиш жараёнларига борсам, боламни онамга ташлаб келдим, деган гапларни эшитиб қоламан. Ҳаётда ҳар бир инсоннинг бир армони бўлар экан. Шунақа пайтда онамнинг йўқ бўлгани бутун умрлик армоним бўлиб қолса керак. Онам оққон касаллигига чалинган эди, «Севги» сериалидаги шу саҳналар менинг ҳаётимга жуда ўхшаш. Онам битта жойда ётган, ҳеч қаери ишламаган, қараганман.
Мавзуга доир:
- Instagram: Ўзбекистонни тарк этмайдиган Юлдуз Усмонова, шахсий бизнесини йўлга қўйган Зиёда, турмушидан ажрашган Ситора Алимжонова.
- Instagram: Муниса Ризаева алдов қурбони бўлди, Ситора Алимжонова ўғлининг туғилган кунини Дубайда нишонлади, Нилуфар Усмонова неча марта турмушга чиққан?
- Ситора Алимжонова фарзанд кўриш учун 4 йил даволангани ҳамда туғруқ жараёнида кўзи кўрмай қолгани ҳақида сўзлаб берди (видео).
Изоҳ (0)