Янги йил байрами арафасида гўшт ва гўшт маҳсулотларига бўлган талаб ортади. Мазкур жараёнда гўшт маҳсулотлари нархининг сунъий кўтарилиши ва танқислигининг олдини олиш борасида қандай ишлар қилинаётгани юзасидан «Дарё» мухбири масъуллардан изоҳ олди.
«Паррандасаноат» уюшмаси раисининг биринчи ўринбосари Улуғбек Аҳмедовнинг маълум қилишича, аҳолининг парранда маҳсулотларига бўлган эҳтиёжини таъминлаш, арзон ва сифатли маҳсулотларни етказиб бериш учун республиканинг ҳар бир деҳқон бозорида арзонлаштирилган ярмаркалар фаолият олиб бормоқда.
«Вилоятлар кесимида бозорлар тақсимлаб берилган. Ўша ҳудуддаги паррандачилик корхоналарини ярмаркаларга жалб қилиш ишлари олиб борилди. Ҳар бир корхона ўзи ишлаб чиқарган маҳсулотини ярмарка пештахталарига жойлаштириб сотмоқда. Етарли миқдорда товуқ гўшти ва тухум захирамиз бор», — деди Улуғбек Аҳмедов.
Тошкент шаҳар ветеринария ва чорвачиликни ривожлантириш бошқармаси масъул ходими Ўткир Отабоевнинг айтишича, Янги йил ярмаркаларида гўшт ва гўшт маҳсулотлари билан таъминлашга Ветеринария ва чорвачиликни ривожлантириш давлат қўмитаси масъул этиб белгиланган.
«Бозорларимизда майда ва йирик шохли мол гўштлари етарлича ва захираси ҳам яратилган. Ҳозирда йирик шохли мол гўшти 55 минг сўм, майда шохли мол гўшти эса 60 минг сўмдан сотилмоқда. Чорвачилик фермерларида гўшт захиралари етарли, танқислик бўлмайди», — деди Ўткир Отабоев.
Қўшимча қилинишича, масъул идоралардан тузилган комиссиялар нархларнинг сунъий кўтарилишининг олдини олиш борасида мониторинг олиб бормоқда.
Изоҳ (1)
биздаям.шу.езлиши.55минг.сотлиши.65.70минг.лолколсан