2022 йилнинг январь—ноябрь ойларида Ўзбекистон 12 та хорижий давлатдан қиймати 11,4 млн долларга тенг бўлган 45,6 минг тонна мандарин импорт қилган. Бу ҳақда Давлат статистика қўмитаси хабар бермоқда.
Мандарин импорти ўтган йилнинг мос даври билан солиштирилганда 16,4 минг тоннага ошган. Жорий йилнинг ноябрь ойида эса ушбу цитрус мева импорти 3 минг тоннага тенг бўлган.
Ўзбекистон 11 ойда мандарин маҳсулотини энг кўп импорт қилган давлатлар орасида Покистон етакчилик қилмоқда — 36,7 минг тонна. Ноябрь ойида мамлакатдан 800 тонна мандарин олиб келинган.
Энг кўп мандарин импорт қилинган давлатлар рўйхатида Туркия иккинчи ўринда — 3,6 минг тонна. Мамлакатдан ноябрда 500 тонна мандарин олиб келинган.
Хитой эса учинчи ўринда — мамлакатдан дастлабки 11 ойда 3,2 минг тонна мандарин олиб келинган. Биргина ноябрь ойининг ўзида эса — 1,3 минг тонна.
Эрондан эса январь—ноябрь ойларида 503 тонна мандарин импорт қилинган. Шундан 78 тоннаси ноябрда олиб келинган.
Ўзбекистон Мисрдан умумий 442,2 тонна мандарин импорт қилган. Ноябрь ойида эса мамлакатдан ушбу мева олиб келинмаган.
Мавзуга доир: Ўзбекистонда мандарин нархи кескин пасайди. Бунга нима сабаб бўлмоқда?
Изоҳ (0)