Ҳиндистоннинг Marion Biotech компанияси томонидан ишлаб чиқарилган ва Ўзбекистонда рўйхатдан ўтказилган барча турдаги дори воситаларининг савдоси 30 декабрдан бошлаб вақтинча тўхтатилди. Бу ҳақда АОКАда Фармацевтика тармоғини ривожлантириш агентлиги ахборот хизмати раҳбари Қизлархон Бегматова маълум қилди.
Marion Biotech компанияси томонидан ишлаб чиқарилган «Док-1 Макс» дори воситаси таркибида қўшимча ёт моддалар аниқланганлиги боис, ҳозирда ушбу ишлаб чиқарувчининг бошқа маҳсулотларида ҳам худди шундай ҳолат кузатилиш эҳтимолини инобатга олган ҳолда, компаниянинг бошқа маҳсулотлари ҳам чуқур лаборатор текширувларидан ўтказилмоқда, — деган у.Унинг таъкидлашича, «Док-1 Макс» дори воситасининг савдоси 22 декабрдан вақтинча тўхтатилган бўлиб, Quramax Medical МЧЖга реализация қилинган дорихоналардаги қолдиқ дори воситаларини қайтариб олиш ҳамда дорихоналарга мазкур дори воситасини етказиб берувчи дистрибюторга зудлик билан қайтариш чораларини кўриш бўйича тегишли кўрсатма берилган. Ҳамда ушбу дори воситалари республикадаги барча дорихоналардан тезкорлик билан йиғиб олинган.
Marion Biotech компанияси Ўзбекистонда рўйхатдан ўтказган барча дори воситалари билан қуйидаги ҳавола орқали танишиш мумкин.
Мавзуга доир:
Изоҳ (0)