Шавкат Мирзиёевнинг тегишли фармонлари билан Владимир Норов Ўзбекистон ташқи ишлар вазири лавозимидан озод этилди.
Президент матбуот котибининг маълум қилишича, у бошқа ишга ўтиши муносабати билан ушбу лавозимдан озод этилди.
Бахтиёр Саидов Ўзбекистон ташқи ишлар вазири вазифасини бажарувчи этиб тайинланди ва шу муносабат билан Ўзбекистон халқ таълими вазири лавозимидан озод этилди.
2022 йил апрели охирларида президентининг тегишли фармонлари билан Ўзбекистон ташқи ишлар вазири лавозимини эгаллаб келган Абдулазиз Комилов президент ҳузуридаги Хавфсизлик кенгаши котибининг ташқи сиёсат ва хавфсизлик масалалари бўйича ўринбосари лавозимига тайинланганди. Владимир Норов Ўзбекистон ташқи ишлар вазирининг биринчи ўринбосари лавозимига тайинланиб, унинг зиммасига Ўзбекистон ташқи ишлар вазири вазифасини бажариш юклатилганди. Сентябрь ойида Владимир Норов Ўзбекистон ташқи ишлар вазири лавозимига тасдиқланди.
Бахтиёр Саидов 2021 йилнинг ноябридан буён Халқ таълими вазирлигига раҳбарлик қилиб келаётганди. Унга қадар Ўзбекистоннинг Хитойдаги элчиси лавозимида фаолият юритган.
Изоҳ (0)