«Севги изтироби», «Муҳташам юз йил», «Чолиқуши» сериалларидаги ижролари билан мухлисларига яхши таниш бўлган турк актёри Бурак Ўзчивит 24 декабрь куни 38 ёшни қарши олди. Шу муносабат билан Лиса нашри актёрнинг шахсий ҳаёти ва ижоди ҳақида маълумот берди.
Туркиядаги энг яхши модель
Бурак Ўзчивит Туркиянинг Истанбул яқинида жойлашган унча катта бўлмаган Мирсин шаҳрида туғилган. У бадавлат оилада ўсган: актёрнинг отаси ресторан бизнесига эга эди, онаси эса болаларни тарбиялаш билан шуғулланган. Актёрнинг опаси ҳам бор.
Актёр дастлаб санъат ва кинога қизиқди, шу билан бирга спорт билан шуғулланди. У футболни яхши кўрарди ва кейинчалик спорт залига бора бошлади. Мактабни тугатгач, Бурак университетга ўқишга кирди ва у ерда актёрлик бўйича таҳсил олди. Бурак талабалик йилларида модель сифатида қўшимча даромад топа бошлади — у бу соҳа бўйича барча талабларга жавоб берар эди.
Қизиғи шундаки, Ўзчивитга бу ғояни отаси берган: бир куни у телевизорда гўзаллик танловини кўриб, ўғлига бу ишда муваффақиятга эриша олса, у билан фахрланишини айтган. Бурак отасининг хоҳишини амалга оширади: у тезда мамлакатдаги энг яхши ва энг кўп талабга эга моделларидан бирига айланган.
Актёр 2003 йилда «Туркиянинг энг яхши модели» танловида иштирок этди ва ғолиб бўлди. Орадан икки йил ўтиб у биринчи ўринни эгаллаб, дунёдаги энг яхши моделга айланди. Ўзчивит бутунлай бошқа нарсани орзу қилган, яъни у фильмларда рол ўйнашни хоҳлаган.
Моделлик бизнесида муваффақият қозонган Бурак Ўзчивит кастингларда иштирок эта бошлади. У ҳар доим кино оламини забт этиш учун битта истеъдод етарли эмас деб ҳисоблар эди — бу яна бир имкониятни берди, Ўзчивит эса ундан фойдаланди.
Дунёга машҳур актёр
Буракнинг кинодаги фаолияти 2006 йилда «Минус 18» фильмидаги кичик роли билан бошланган. Кўп ўтмай, унга бошқа фильмдан бош ролни таклиф қилишди. Бироқ бу лойиҳалар актёрга кутилган муваффақиятни келтирмади. Бурак 2011 йилда «Муҳташам юз йил» тарихий сериалида суратга тушганидан кейин ҳаммаси ўзгарди.
Бурак «Бали бей» лойиҳасида иккинчи даражали ролини олди, ушбу рол актёрнинг нафақат Туркияда, балки чет элда ҳам машҳур бўлишига ёрдам берган. Бу сериал намойиш этилганидан кейин, унинг дунё бўйлаб мухлислари пайдо бўлди.
Қизиғи шундаки, улар ҳатто кинокартинани яратувчилардан ўзларининг севимли қаҳрамонларининг ҳикояси тугагач, қайтаришини илтимос қилган. Продюсерлар ва сценарий муаллифлари томошабинларни хурсанд қилиш учун Бали бей ҳаётидан янги ҳикоя ўйлаб топиши керак эди.
Бир неча йил ўтгач, Бурак унга чинакам машҳурлик келтирган ролни ижро этди — у «Чолиқуши» романи асосида суратга олинган фильмда Камрон ролини ўйнади. Актёр асарни мактаб йилларида ўқиганини тан олди, шунинг учун у ушбу лойиҳада иштирок этганидан мамнун эди.
«Чолиқушида ҳам ‘Муҳташам юз йилъда ҳам ҳаракат тарихий ўтмишда бўлиб ўтади. Ўша пайтда ҳаёт ҳам, одамлар ҳам бутунлай бошқача эди. Замонавий қаҳрамонларни ижро этиб натижага эришиш мумкин — уларни тушуниш осонроқ. Ўтган йиллар қаҳрамонларини тушуниш учун тарихга шўнғишингиз керак. Бу икки сериалда мен бир-биридан жуда фарқ қиладиган персонажларга эга бўлдим: бир томондан, қаттиққўл ва жанговар Балибей, иккинчи томондан, ёқимли, қувноқ ва меҳрибон Камрон. Ҳар бир ролга ўзимнинг йўналишимда кўникишим керак эди», — дейди Ўзчивит.
Бироқ Бурак иштирокидаги энг машҳур лойиҳани Неслиҳан Атагул билан рол ижро этган «Севги изтироби» сериали деб ҳисоблаш мумкин.
Бундан ташқари, актёрни «Қурилиш: Усмон», «Ака» ва бошқа кўплаб лойиҳаларда кўриш мумкин. Бурак бугунги Туркияда энг кўп талабга эга актёрлардан бири ҳисобланади.
Севимли турмуш ўртоқ ва ота
Кўплаб мухлислар актёрнинг ижоди билан бирга шахсий ҳаётига ҳам қизиқади. Бурак узоқ вақт давомида модель Жейлан Чапа билан учрашди, бироқ улар 2014 йилда ажрашди.
Ўзчивит «Севги изтироби» сериалида рол ижро этганида, кўплаб мухлислар уни партнёри Неслиҳан Атагул билан ишқий муносабатда бўлган деб ўйлаган, чунки улар севишганлар ролини жуда ишончли тарзда ўйнаган. Бироқ Неслиҳан ўша пайтда турмушга чиққанди, актёр эса Фаҳрие Эвжен билан муносабатларни эндигина бошлаган эди.
Актёр Фаҳрие билан «Чолиқуши» сериалида учрашган, бироқ уларнинг муносабатлари бироз кейинроқ бошланган. Жуфтликка 2015 йилда «Севги сенга ўхшайди» драмасида рол ўйнаш таклиф қилинди, улар бу фильмда яна ошиқлар ўйнади. Кўплаб мухлислар Бурак ва Жейланнинг ажрашишига Фаҳрие сабаб бўлган деб ўйлашади.
Актёрнинг собиқ севгилиси бу хабарни рад этди ва ажрашгандан кейин улар дўстона муносабатда бўлишганини таъкидлади. Бурак ва Фаҳриенинг тўйи 2017 йилда бўлиб ўтди, тўй кенг муҳокамаларга сабаб бўлган, ҳаттоки Туркияда «Йил тўйи» деб ҳам аталган.
Бир неча йил ўтгач, жуфтликнинг Каран исмли ўғли дунёга келди, у машҳур отасига жуда ўхшайди. Бурак Ўзчивит ва Фаҳрие ҳозирда бахтли ҳаёт кечирмоқда, улар яқинда эгизак фарзандларга ота-она бўлади.
Мавзуга доир:
- Бурак Ўзчивит, Киванч Татлитуғ ва бошқа машҳур турк актёрлари кинодаги карьераси давомида қанчалик ўзгарган?
- Турк актёри Бурак Ўзчивит такаббурлиги учун жарима тўлади.
- Турк киносининг юлдузли жуфтлиги Бурак Ўзчивит ва Фаҳрие Эвжен эгизак фарзанд кутмоқда.
- Турк киносининг машҳур жуфтлиги Бурак Ўзчивит ва Фаҳрие Эвжен ўғли Караннинг туғилган кунини нишонлади (фото).
Изоҳ (0)