Юлдузнинг ҳаёти — машаққатли суратга олиш ишлари, тиғиз концерт дастурлари, чексиз тадбирлар ва кўплаб мухлислар билан ўтади. Ва ҳар қадамда том маънода содир бўладиган жуда кўп кулгили ҳолатлар ҳам бўлиб туради.
Кичик Роберт Даунининг болалари уни қовоққа айлантиришади
Кичик Роберт Дауни янги лойиҳа — «Хайрихоҳ» романининг фильмга мослашуви учун ўз имижини тубдан ўзгартиришга қарор қилади. Бунинг учун у профессионаллар хизматига мурожаат қилмайди, балки 7 ёшли қизи Аври ва 10 ёшли ўғли Экстонга ўзини ишониб топширади.
Актёр ижтимоий тармоққа болаларининг Хеллоуин байрами учун қовоқ ўймакорлиги акс этган видеосини жойлаштиради. Кичик Дауни болалардан дарсга халақит бергани учун узр сўрайди ва унга ёрдам кераклигини айтади. Болалар отасига йўқ деёлмайди. Ва унинг кал бошига қовоқ расмини чизиб, бўяшади. Яхшироқ ўхшаши учун бошга сабзавотнинг бандини ёпиштиришади.
Женнифер Энистон дўстларини учрашувга олиб келади
Бир куни комик ва телебошловчи Жон Стюарт Женнифер Энистонни учрашувга таклиф қилади. Актриса ресторанга бир гуруҳ дўстлари ҳамроҳлигида келади. Энистон гап дўстона учрашув ҳақида кетяпти деб ўйлаган. Жон Стюарт эса қиз уни компанияси билан таништирмоқчи деб тушунади.
Мегги Смит болакайни мушук эмаслигига ишонтиради
Гарри Поттер фильмлари чиққандан сўнг, актриса Мегги Смит нафақат катталар, балки болалар орасида ҳам жуда машҳур бўлиб кетади. Бир куни кичкина мухлиси ундан мушук эканлигингиз ростми, деб сўрайди. Юлдуз болага «Қўйсанг-чи, мен қандай қилиб мушук бўлишим мумкин?» деб жавоб беради.
Кит Харингтон «Тахтлар ўйини» сирини очиб, жаримадан қутулиб қолади
«Тахтлар ўйини» ижодкорлари ва муаллифлари Кит Харингтонга унинг қаҳрамони Жон Сноу сериалнинг 6-фаслида тирик қолишини айтишади. Шу билан бирга, актёрга бу ҳақда гапириш тақиқланган. Аммо бир марта юлдуз тезликни оширгани учун полиция томонидан тўхтатилган. Ҳуқуқ-тартибот идоралари ходимлари Китга таклиф қилишди: уни полиция бўлимига олиб бориш ёки уларга севимли қаҳрамоннинг келажакдаги тақдири сирини очиш. Харингтон иккинчи вариантни танлайди.
Николас Кейж тушида кўрган қисқичбақасимон одамни чизади
«Сеҳргарнинг шогирди» фильмини суратга олиш жараёнида Николас Кейж ҳамкасбига тушида қисқичбақасимон одамни кўргани ҳақида гапириб беради. Актёрга бу етарли эмасдек туюлади ва махлуқни чизиб кўрсатади.
Сандра Буллок ва Ченнинг Тейтум мактабгача таълим муассасаси директорининг кабинетида танишишган
Актёрлар биринчи марта бир-бирларини суратга олиш майдончасида, ҳатто зиёфатда ҳам кўришмаган. Уларнинг танишуви қизлари борган болалар боғчасида содир бўлган. Бир куни қизлар қаттиқ жанжаллашиб қолишади, менежер уларнинг юлдуз ота-оналарини кабинетига чақиради. Натижада Сандра ва Ченнинг болаларини яраштириб қўйишади.
Роберт Паттинсон ҳот-дог ҳақида қисқа метражли фалсафий фильм суратга олган
Машҳур киши пресс-турда бўлса ва меҳмонхонадан чиқиб, шунчаки кўчада овқатланмоқчи бўлса нима бўлади? Роберт Паттинсон бу ҳақда қисқа метражли «Қўрқув ва уят» фильмини суратга олади. У сценарийни ўзи ёзган ва бош ролда ҳам ўзи ўйнаган.
Паттинсоннинг қаҳрамони ҳақиқатан ҳам меҳмонхонадан чиқиб кетишни хоҳлайди, лекин папараццилардан қўрқади. Ва бирдан деразадан иштаҳа билан ҳот-дог еяётган одамни кўриб қолади. Шундан кейин машҳур киши нимадир ейиш учун хонасини тарк этади.
Мавзуга доир:
- Севгидан куйган Маколей Калкин салкам 40 ёшида қандай қилиб ҳақиқий бахтини учратгани ҳақида
- «Ажинларимни яхши кўраман». Ёшга боғлиқ ўзгаришларни оддий ҳолдек қабул қиладиган Голливуд юлдузлари (фото)
- Янги йил ҳақидаги севимли фильмларда рол ижро этган болакай ва қизалоқлар ҳозирда қандай кўринишда?
Изоҳ (0)