9 000 сўмга АИ-92, 10 000 сўмга АИ-95: Тошкентда кунлик бензин нархлари эълон қилинди

UNG Petro 29 декабрь куни Тошкент шаҳрида бензин қуйиш шохобчаларидаги нархларни эълон қилди.

Унга кўра, АИ-80 Тошкентдаги иккита бензин қуйиш шохобчасида 5 700 сўмдан сотилмоқда. Булар UNG Petro ва IBR Petroleum Station. 

АИ-80 бензинининг нархи Poytaxt Oil’да бир ҳафта ичида 5 700 сўмдан 6 000 сўмгача кўтарилган. 

Tatneft шохобчасида эса АИ-80 нархи икки кун ичида 800 сўмга пасайиб, 6 000 сўм бўлиб турибди. Энг қиммат АИ-80 ни «Lukoil» таклиф қилмоқда — 6 100 сўм. 

Нархларнинг тушиши АИ-80 бензини учун акциз солиғи бекор қилингани билан изоҳланади. 

Шунингдек, Тошкентда 5 700 сўмдан АИ-80 таклиф қилаётган бензин қуйиш шохобчалари сони бир ҳафтадан учтадан иккитага камайган. 

АИ-92 ва АИ-95’ларни энг арзон нархларда UNG Petro таклиф қилмоқда — мос равишда 9 000 сўм 10 000 сўм. Нархлар бир ҳафта ичида 500 сўмдан арзонлаган. Энг қиммат АИ-92 ва АИ-95 бензин турларини ҳамон Tatneft таклиф қилмоқда. 

Март ойидаги маълумотлардан фарқли равишда АИ-98 нархлари ҳеч қайси бензин қуйиш шохобчасида кўрсатилмаган.

Аввалроқ Ўзбекистонда АИ-80 бензини ишлаб чиқариш ҳажми 50 фоиздан кўпроққа оширилгани ҳақида хабар берилган эди.