Россия қўшинлари ўз олдига 2022 йил охиригача Донецк вилоятининг маъмурий чегараларига етиб бориш вазифасини қўйди. Бу ҳақда Украина мудофаа вазири ўринбосари Анна Малярга таяниб, “Фокус.уа” хабар берди.
- Фото: Getty Images
Унинг сўзларига кўра, Россия қуролли кучлари ҳарбий техника ва қурол-яроғларнинг катта қисмини Бахмут ҳудудида тўплаган, бироқ руслар бутун фронт чизиғида позициясини мустаҳкамлай олмайди. Бунинг натижасида улар ҳужум учун маълум ёъналишларни танлайди, у ерга максимал кучлар тўплайди.
Biroқ Украина қўшинлари Бахмутни ушлаб туришда давом этмоқда, Россия ҳарбийлари ёъқотишларга дуч келмоқда — бу олдинга силжишга ёъл қўймаяпти. Малярнинг аниқлик киритишича, россиялик ҳарбийлар ҳудудда унчалик муваффақиятга эришмаган, бироқ Украина қуролли кучлари уларни ҳуддудан чиқаришга муваффақ бўлган.
“Бугунги кунга келиб душман шаҳарни ўраб олишга ҳаракат қилмоқда ва бунга ҳам эриша олмаяпти”, — дея қўшимча қилди Мудофаа вазирлиги вакили.
Аввалроқ рус ҳарбийлари кичик гуруҳларга тарқалиб, Бахмут ёъналишида тактикани ўзгартиргани маълум қилинганди. Украина армиясида бу ҳаракатларни кузатишда кучли мониторинг тизими мавжуд.
“Бахмутдаги вазият жуда қийин, лекин уни бошқариш мумкин. Қарши томон у ердан қайтарилишига умид бор”, — деган эди Украина мулозими. У Бахмут ёъналишида “Вагнер” хусусий ҳарбий компанияси кичик ҳужум гуруҳларини тузаётгани, улар позицияларга имкон қадар тезроқ етиб олиш ва хандақларга кириш учун тарқалиб кетишга ҳаракат қилаётганини қўшимча қилганди.
Изоҳ (0)