Турмуш тарзидан ташқари, ҳар куни амалга оширилган одатлар соғлиқ, жумладан, иммунитет тизимининг ҳолати учун зарарли бўлиши мумкин. Marie Claire нашри улардан бир нечтасини санаб ўтди.
Иммунитет ўта мураккаб тизим бўлиб, у организмни вирус ва патогенлар таъсиридан ҳимоя қилади, шунингдек, ўзининг эскирган ёки нуқсонли ҳужайраларидан қутулишда иштирок этади. Аҳоли зичлиги кўп бўлган шаҳарларда замонавий турмуш тарзи билан турли хил ўткир респиратор вирусли инфекцияларнинг тез тарқалишига ёрдам берадиган муҳит пайдо бўлади.
Бироқ мавсумда бир ёки икки маротаба ЎРВИ ўтказилса, бу иммунитетнинг пасайиш кўрсаткичи эмас. Агар шамоллаш тез-тез рўй берса ва асоратлар билан давом этса, текширувдан ўтиш лозим. Иммунитет пасайишининг асл сабаби турмуш тарзи ва одатларда бўлиши мумкин, бу тегишли текширув ва таҳлиллар орқали аниқланади.
Сувни етарли даражада истеъмол қилмаслик
Сув истеъмолининг стандарт даражаси кунига 1,5-2 литрни ташкил қилади. Жисмоний фаоллик ёки терлаш билан бу миқдорни ошириш яхшироқдир. Сувни етарли даражада истеъмол қилмаслик сувсизланишга, қон хусусиятларининг ёмонлашишига, шиллиқ қаватларнинг қуруқлигига олиб келиши мумкин, бу ҳолатда иммунитет инфекцияларга нисбатан заифлашади.
Яшаш жойидаги ҳавода намликнинг етишмаслиги
Қишда, иситиш қурилмалари ишлаган мавсумида хона ичидаги ҳаво жуда қуруқ бўлади. Бу шиллиқ парда ва тери қуришига сабаб бўлади ва иммунитетни заифлаштиради. Қуруқ ҳаво гаплашганда, йўталганда тарқаладиган вирус ва микроорганизмларнинг зарраларини узоқ вақт давомида сақлайди.
Нотўғри овқатланиш
Рационнинг етарли даражада хилма-хил эмаслиги витамин ва минералларнинг етишмаслигига олиб келиши мумкин, бу эса ўз навбатида иммунитетни пасайтириш билан таҳдид қилади. Кўп миқдорда ширинликлар, айниқса, газли ичимликларни истеъмол қилиш қонда шакар даражасининг ўзгаришига олиб келади ва тери ҳамда шиллиқ пардалардаги бактерияларнинг кўпайиши учун шароитлар яратади.
Етарли миқдорда ухламаслик
Уйқу вақтида организмнинг барча аъзолари ҳамда тизимларида қайта тикланиш содир бўлади. Сурункали уйқусизлик организмнинг инфекцияларга чидамлилигини пасайтиради.
Спорт билан шуғулланмаслик
Жисмоний фаоллик кучли иммунитетни сақлашнинг асосий шартларидан биридир, айниқса очиқ ҳавода машқ қилиш бунга кўпроқ ёрдам беради. Қон айланиши меъёрда бўлса, иммунитет тизими организмнинг барча бурчакларида ҳимоя функциясини яхши бажаришга имкон беради.
Изоҳ (0)