2022 йил ноябрь ойининг охирида «Уэнздей» сериали экранларга чиқди. Бу ўша севимли Аддамслар оиласи ҳақидаги янги воқеа. 1991 йилдаги фильм ва янги сериал ўртасидаги фарқлар ва умумийликлар ҳақида маълумот берамиз.
Сериал бир зумда хитга айланди ва кўришлар сони бўйича «Ғалати нарсалар»нинг янги мавсумини ортда қолдирди. Лойиҳа устида Тим Бартоннинг шахсан ўзи ишлаган, шунинг учун шоунинг барча декорациялари унинг услубида. Бош қаҳрамон Гомес ва Мортишанинг қизи, меланхолик қиз Уэнздей Аддамсдир. У оддий мактабдаги болалар билан чиқиша олмайди, шунинг учун ота-онаси қизни ўзи каби ғалати ўспиринларнинг ёпиқ муассасасига ўқишга юборишади.
Аддамслар ҳақидаги култ фильмда бўлгани каби қаҳрамон сочини 2 та қилиб ўриб юради, доим қора рангда кийинади ва ўзини бошқалардан узоқроқ тутади. Шунга қарамай, янги Уэнздей эскисидан сезиларли даражада фарқ қилади.
Биринчи навбатда, ёш жиҳатдан. Аксарият фильмларда Аддамсларнинг қизи тахминан 10-13 ёшда тасвирланади, сериалда эса у — 16 ёшда. Шунингдек, 2022 йилги шоуда оила ва унинг атрофидаги одамларнинг ғайритабиий қобилиятлари тилга олинади. Мисол учун, Мортиша ва Уэнздей мунтазам равишда ўтмиш ва келажакни ҳис этгани учун безовталанади.
Оригинал комиксларда ва олдинги фильмларда Аддамслар — шунчаки ғамгин машғулотлар билан шуғулланадиган ғалати оила. Сериалга шунингдек, ўз ҳикояларига эга кўплаб иккинчи даражали персонажлар қўшилган. Бундан ташқари, бу персонажлар оддий одамлар эмас, балки вампирлар, бўрилар, махлуқлар ва горгонлардир. Мисол учун, бош қаҳрамоннинг қўшниси бўрига айланиш қобилиятига эга.
Умуман олганда, 1964 йилдаги фильмдан бери бош қаҳрамон узоқ йўлни босиб ўтди. Биринчи фильмда қизда ҳамма нарсага бўлган ғалати қизиқиш йўқ эди. У ўргимчакларни боқиш, қўғирчоқларнинг бошларини узиб олишдан бошқа ҳеч нарса қилмасди.
1991 йилги фильмда Уэнздей ўзининг хавфли ихтироларини укасида синаб кўрадиган мураккаб характердаги ўспирин қиз сифатида тасвирланади. «Аддамсларнинг оилавий қадриятлари» фильмида эса қаҳрамон ва Паксли ёзги лагерга юборилади, у ерда қиз ўз характерини кўрсатади ва ғалаён бошлайди.
Аддамслар оиласига бағишланган 2019 йилда чиққан мультфильм ҳам бор. Лойиҳа тижорий жиҳатдан муваффақиятли бўлган бўлса-да, танқидчиларнинг картинани жуда эртакона бўлиб кетганлигини танқид қилишади.
Кўриниб турган фарқларга қарамай, фильмнинг баъзи саҳналари ўзгаришсиз қолдирилган. Масалан, Уэнздей ва укаси Паксли ўртасидаги жуда илиқ муносабатлар. Укаси хафа бўлган пайтларда опаси унга тасалли беради.
Паксли шкафга қамалиб қолганида, опаси безориларнинг исмларини айтишини талаб қилади, қолганини унга қўйиб беришини сўрайди. Қаҳрамон қиз такаббурдек туюлади, лекин у таъсирчан ва беғубор — сериал ижодкорлари буни жуда яхши кўрсатиб беришган.
Янги Уэнздей — кучли персонаж. Қиз ижтимоий тармоқларни вақтни беҳуда сарфлаш деб ҳисоблайди, компьютер ўрнига ёзув машинкасидан фойдаланади, ақлли, аммо ғамгин жумлалардан фойдаланади. У яхшироқ кўринишга ҳаракат қилмайди, бошқаларнинг фикрига ҳам боғланиб қолмайди.
90 йиллар фильмида Уэнздей ролини Кристина Риччи ижро этган. Янги фильмда махсус мактабдаги оддий ўқитувчи образини яратди. Айтганча, Уэнздей ролини ижро этган Женна Ортега Кристина унга устозлик қилишга ёки персонажни тасвирлаш тажрибасини намойиш этишга уринмаганини айтади.
Гомес ролини Луис Гузман ижро этган. У оригинал комикслардаги отага жуда ўхшайди. Актёрнинг ўзи бу рол ўзининг энг яхши актёрлик ишининг 3 талигига киришига ишонади.
Кетрин Зета-Жонс рафиқаси Мортиша сифатида реенкарнация қилинди.
Режиссёр Тим Бартоннинг айтишича, у қаҳрамонни янада замонавийроқ қилишни хоҳлагани учун унинг пардозига тўқ қизил рангларни ҳам киритилган.
Мактаб директорини Гвендолин Кристи ўйнаган, уни ҳамма «Тахтлар ўйини»даги Бриэнна Тарт сифатида эслайди. Актриса экранда ўзини ҳеч қачон бунчалик гўзал ҳис қилмаганини тан олди, бу имконият учун Тим Бартонга миннатдорлик билдирди.
Женна Ортега эса «Уэнздей» сериалининг асосий юлдузига айланди, у ролни аъло даражада ижро этди ва томошабинлар меҳрини қозонди. Сериал чиққандан сўнг интернетда кўплаб видеолар пайдо бўлди, уларда қора кийинган қизлар Женнанинг балда рақсга тушишига тақлид қилишади. Бундай рақс ҳаракатларини актрисанинг ўзи бир неча кун ичида ўйлаб топган.
Аммо ажойиб саҳналар, кучли актёрлар ва ақл бовар қилмайдиган атмосфера сериалнинг томошабинларга тақдим этадиган асосий нарсаси эмас. Олдинда кузатиб бориш жуда қизиқ бўлган детектив сюжет турибди.
Ахир Уэнздей мактабга фақат ўқиш ва жамиятга қўшилиш учун эмас, балки жиноятни очиб, кимнидир қутқариши кераклиги учун ҳам борган.
Айтганча, қаҳрамонга исм дарҳол қўйилмаган. Оригинал комиксларда қиз ва оила аъзоларининг исмлари бўлмаган. Исмлар 1964 йилдаги сериал учун махсус ўйлаб топилган.
Шунингдек, кесилган қўл ролини ўйнаган актёр ноқулай позицияларни эгаллаши ва костюм кийиши керак эди
Мавзуга доир:
Изоҳ (0)