Тошкент вилояти ҳокими Зоир Мирзаев «Дарё» мухбирига берган интервьюсида 2023 йилда вилоятда бажарилиши режалаштирилган учта энг муҳим вазифа ҳақида гапирди.
Зоир Мирзаевнинг айтишича, ҳудудда ҳар бир фуқаро билан ишлаш тизими жорий этилмоқда.
«Келаси йили ичимлик суви ва йўл масаласи биринчи ўринга қўйилади. Бунинг учун бир триллион сўмдан зиёд маблағ ажратилди.
Иккинчи йўналиш аҳоли муаммолари бўйича тизимли ишлашдан иборат. Илгари биз маҳаллабай, кўчабай ва хонадонбай ишладик. Энди фуқаробай ишлаб, фуқароларнинг дардини кўтариб, уларга ёрдам берадиган тизимни Оққўрғон тажрибаси сифатида бошлаганмиз. Буни охирига етказамиз.
Учинчи йўналиш таълим, тиббиёт ва ижтимоий соҳанинг бошқа тармоқларини қамраб олади. Тиббиёт масалалари энг кўп ҳудудлардан бири Тошкент вилояти бўлса керак. Шунга устуворлик берилади. Таълимда эса вазифамиз аниқ. Бу йил номи ҳам таълим билан боғлиқ бўлди. Эътибор ўз-ўзидан келиб чиқади», — деди вилоят ҳокими.
Изоҳ (0)