Сербия президенти Александр Вучич Туркиянинг қисман тан олинган Косовога «Bayraktar» дронларини юбориш ниятини қоралади, деб хабар бермоқда «ТАСС».
«Турклар Приштинага ‘Bayraktar’ларни берамиз деса, бу биз учун оддий ёки яхши хабар эмас, аксинча. Биз Туркия президенти Ражаб Тоййиб Эрдўғонни жуда ҳурмат қиламиз, лекин бу муносабатларимизга таъсир қилиши шубҳасиз», — дейди Вучич.
Унинг таъкидлашича, бундай ҳаракатлар Сербия тайёргарлик кўриши, яъни тегишли ҳаво ҳужумидан мудофаа тизимларига эга бўлиши кераклигини англатади.
Аввалроқ Косово мудофаа вазирлиги миқдори 30 миллион еврога яқин замонавий қурол-яроғларнинг йирик партияси келиши кутилаётганини хабар қилганди. Болгария—Шимолий Македония чегарасида замонавий қуроллар, хусусан, миномёт ва снарядлар ортилган 11 та юк машинасини кўришган. Юк машиналари Косово ва Метохия ҳудуди томон ҳаракатланаётган бўлган. Сербия ОАВ маълумотларига кўра, юклар Туркиядан жўнатилган ва қиймати 27,5 миллион еврони ташкил қилади.
Изоҳ (0)