Афғонистоннинг Парвон вилояти Саланг туннелида 17 декабрь куни нефть танкерининг ағдарилиб, ёниши оқибатида 31 киши ҳалок бўлганди. Ўзбекистон Ташқи ишлар вазирлиги ҳолат юзасидан расмий баёнот эълон қилди.
Саланг туннелида ёнилғи ташувчи автомашинанинг портлаши оқибатида кўплаб қурбонлар бўлгани ҳақидаги хабарни чуқур қайғу билан қабул қилдик. Ҳалок бўлганларнинг оила аъзолари ва яқинларига ҳамдардлик билдирамиз ва жароҳатланганларнинг тезроқ соғайиб кетишини тилаймиз, — дейилади унда.
Ҳодиса қандай содир бўлди?
Дастлаб ҳодиса қурбонлари 19 кишини ташкил қилган, бироқ статистик маълумотлар ўзгарган. Ҳозирда 31 киши ҳалок бўлгани ва 37 киши жароҳатлангани айтилмоқда. Саланг туманидаги ишончли манба ёнғиндан кейин туннел ичида яна бир суюқ газ танкери портлаганини хабар берган.
Туннел ичидаги қоронғилик ёнғинни назорат қилиш ва одамларни қутқаришни қийинлаштирган. Расмийлар қурбонлар сони яна ошиши мумкинлигини прогноз қилмоқда. Ёнғин гувоҳларга кўра, бир эркакнинг оила аъзолари кўз ўнгида ёниб кетган. Афғонистон шимолидан кўп одамлар оила аъзоларини қидириш учун воқеа жойига йўл олмоқда.
Айни пайтда «Толибон» Жамоат ишлари вазирлиги ёнғин ўчирилгани, бригадалар ҳудудни тозалаш ишлари олиб борилаётганини маълум қилди. Маҳаллий манбалар жароҳатланганлар ва йўловчиларига ёрдам кўрсатиш жараёни суст кечаётганидан шикоят қилмоқда.
Ҳозирда Саланг туннели ёпилган ва «Толибон» бу йўналишда ҳаракатланишни тақиқлаган. Янгиланган статистик маълумотларга кўра, бу ҳодисада 100 га яқин одам ҳалок бўлган.
4 декабрь куни Афғонистон ва Эрон ўртасидаги умумий чегарада ёнғин чиққанди. Оқибатда 20 дан ортиқ трактор ва бир нечта автомобили ёниб кетган. Транспорт эгалари эса катта молиявий зарар кўрган. Ҳодиса оқибатида жабрланганлар ҳам бор, ёнғинга тракторнинг ёниши сабаб бўлганди.
Изоҳ (0)