Экологик партия марказий кенгашининг 19 декабрдаги навбатдаги пленумида партия марказий кенгаши ижроия қўмитаси раислигига Ҳамзаев Абдушукур Худойқулович номзоди сайланди. Бу ҳақда Қонунчилик палатаси спикери ўринбосари Одилжон Тожиев хабар берди.
Ҳамзаев 1973 йилда Сурхондарё вилояти Узун туманида туғилган. 1995 йил Самарқанд қишлоқ хўжалик институтини, 2013 йил Давлат бошқаруви академиясини тамомлаган, мутахассислиги — агроном олим. Қишлоқ хўжалик фанлари доктори, профессор.
Узоқ йиллар экология ва атроф-муҳитни муҳофаза қилиш масалалари билан шуғулланиб, илмий-педагогик, раҳбарлик тажрибасига эга. 2022 йил июнь ойидан буён Экологик партия марказий кенгаши ижроия қўмитаси раиси ўринбосари лавозимида ишлаб келган.
17 та қишлоқ хўжалик экин навлари ва 16 та ихтиро патенти муаллифи, унинг 270 дан зиёд илмий ишлари чоп этилган. Шунингдек, экология, қишлоқ ва ўрмон хўжалиги соҳасида Хитой, Япония, Корея, Исроил, Туркия, Германия, Болгария каби давлатларда малака оширган.
Изоҳ (0)