Afg‘oniston va Eron o‘rtasidagi umumiy chegarada yong‘in chiqdi. Bu haqda Hasht-e Subh Daily xabar berdi.
Ma‘lum qilinishicha, hodisa 4-dekabr kuni, mahalliy vaqt bilan tushki soat 03:00 da yuz bergan. Yong‘inda 20 dan ortiq traktor va bir nechta avtomobili yonib ketgan. Transport egalari katta moliyaviy zarar ko‘rgan.
Ta’kidlanishicha, hodisa oqibatida jabrlanganlar ham bor, ushbu yong‘inga traktorning yonishi sabab bo‘lgani aytilmoqda. Ehtiyot choralariga rioya qilinmagani va yong‘inni o‘chirish vositalarining yo‘qligi sababli bunday hodisalar katta zarar keltirishi qayd etildi.
21-noyabr kuni Afg‘onistonda yo‘lovchi avtobusi daryoga qulashi oqibatida 9 kishi halok bo‘lgani haqida xabar berilgandi. Ularning aksariyati bolalar bo‘lgan. Jarohatlanganlar esa 40 kishini, bir bola, ikki ayol hamda 38 nafar erkak, tashkil qilgan.
Izoh (0)