Мбаппе — 9, Мессига 8, Гризманга 3 балл қўйилди. L’Equipe нашри ЖЧ—2022 финали иштирокчиларини баҳолади

Франциянинг L’Equipe нашри Аргентина ва Франция ўртасидаги ЖЧ—2022 финалидан сўнг футболчиларни баҳолади.

Франция терма жамоаси футболчиларида ичида Килиан Мбаппе энг юқори баллни олди. Килиан 10 баллдан 9 баллга муносиб кўрилди. Захирадан майдонга тушган Маркус Тюрам ва Рандал Коло-Муани 7 баллга эга бўлди. Кингсли Коман, Даё Упамекано ҳамда дарвозабон Уго Льорисга 6 балл қўйилди. Жюл Кунде, Рафаэл Варан ва Адриэн Рабьо 5 баллдан жамғарди. Орельен Тчуаменига 4, Тео Эрнандес ва Антуан Гризманлар 3 балл олди.

Усмон Дембеле ва Оливье Жируга балл қўйилмади.

Аргентина терма жамоасида Лионель Месси, Анхель ди Мария ҳамда Эмилиано Мартинес 8 балл билан етакчилик қилмоқда. Кристиан Ромеро, Родриго де Пауль, Энсо Фернандес ва Алексис Мак Аллистер — 7, Науэл Молина, Хулиан Альварес ва Маркос Акуня — 6 баллга эга бўлди. Николас Тальяфико 5, Николас Отаменди эса 4 балл билан баҳоланди.

Шунингдек, L’Equipe ЖЧ—2022 рамзий терма жамоасини тузди:

Дарвозабон: Доминик Ливакович (Хорватия / «Динамо» Загреб);

Ҳимоячилар: Ашраф Ҳакими (Марокаш / «ПСЖ»), Ромен Саисс (Марокаш / «Бешиктош»), Йошко Гвардиол (Хорватия / «Лейпциг»), Маркос Акуня (Аргентина / «Севилья»);

Ярим ҳимоячилар: Энцо Фернандес (Аргентина / «Бенфика»), Софьян Амрабат (Марокаш / «Фиорентина»), Лука Модрич (Хорватия / «Реал»);

Ҳужумчилар: Букайо Сака (Англия / «Арсенал»), Лионель Месси (Аргентина / «ПСЖ»), Килиан Мбаппе (Франция / «ПСЖ»).