2021—2027 йиллардаги Ўзбекистон учун кўп йиллик индикатив дастур доирасида мувофиқ иш ўринлари ва рақамли саводхонлик учун кўникмаларни ривожлантириш соҳаси ўрганилди. Бу ҳақда «Дарё»га Европа Иттифоқининг Ўзбекистондаги делегацияси дастуридан маълум бўлди.
Ёшлар, аёллар, репатриантлар ва бошқа ижтимоий ҳимояга муҳтож қатламлар учун иқтисодий имкониятларни ошириш мақсадида ҳукумат 2018 йилдан бошлаб касб-ҳунар таълими соҳасида ислоҳотларни бошлади.
Ушбу ислоҳотлар ўқувчиларга бериладиган таълим ва меҳнат бозори талаб қиладиган кўникмалар ўртасидаги тафовутни йўқ қилади.
COVID-19 пандемияси таълим узлуксизлигини рағбатлантириш бўйича улкан саъй-ҳаракатларни келтириб чиқарди ва масофавий таълим усулларига тез ўтиш ва талабалар ва ўқитувчиларни онлайн қўллаб-қувватлашда инновацион ёндашувларни қўллашни тезлаштирди.
COVID-19 инқирозидан олинган сабоқлар тўлиқ ҳисобга олинишини таъминлаш, Европа Иттифоқининг ўзига хос мақсади ёшлар, аёллар, мигрантлар, ногиронлар ва бошқа заиф гуруҳларнинг касбий таълим ва рақамли саводхонлигини ошириш орқали кўникмаларини ривожлантиришдан иборат.
Кутилаётган натижалар
Европа Иттифоқи таълим ва рақамли саводхонлик, фан, технология ва тадқиқот соҳаларига инвестициялар яшил ва рақамли иқтисодиёт эҳтиёжлари билан боғланиши ҳамда муносиб иш ўринлари яратилишини таъминлаш учун тегишли давлат тузилмалари билан ҳамкорлик қилади.
Европа Иттифоқи касб-ҳунар таълими секторини модернизация қилишни, шу жумладан, касб-ҳунар таълими ислоҳотига раҳбарлик қилиш учун умумий сиёсат ва салоҳиятни кучайтириш ҳамда уни кенгроқ яшил ўсиш, гендер тенглиги ва ёшлар ташаббуслари билан мувофиқлаштиришни қўллаб-қувватлайди.
Бундай қўллаб-қувватлаш таълим имкониятларидан тенг фойдаланиш масалаларига эътиборни кучайтириш билан бирга амалга оширилади.
АКТ, илм-фан ва тадқиқот соҳаларида салоҳиятни ошириш бўйича кенгроқ саъй-ҳаракатларнинг бир қисми сифатида, хусусан, рақамли саводхонлик ва маълумотларни бошқариш ва таҳлил қилиш кўникмаларини ривожлантириш учун рақамлаштиришга эътибор қаратилади.
Хусусий сектор билан ҳамкорлик бозор талаб қиладиган рақамли кўникмалар ва илмий асосланган тажрибани аниқлайди. Шунинг учун иш берувчиларнинг эҳтиёжлари ва ҳозирда тақдим этилаётган техник таълим ўртасидаги фарқни қисқартиришга хизмат қилади.
Европа олий таълим муассасалари билан ҳамкорлик «Рақамли Ўзбекистон 2030» ислоҳоти доирасида рақамли фойдаланиш ва саводхонликни оширади ҳамда таълим дастурлари сифатини таъминлаган ҳолда «фанни тижоратлаштириш» имконини беради.
Инновациялар ва кўникмаларни ривожлантиришни кучайтириш ҳамда қишлоқ ва шаҳар аҳолиси ўртасидаги рақамли ва таълим соҳасидаги тафовутни камайтириш учун қишлоқ жойлардаги аёллар ва ёшларнинг рақамли кўникмаларига алоҳида эътибор берилади.
ERASMUS+ схемаси билан кучли алоқалар ҳукумат билан таълимга йўналтирилган махсус мулоқот орқали ҳам мустаҳкамланади.
Минтақавий дастур доирасида таклиф этилаётган техник ва касб-ҳунар таълими (ТКТ) дастури билан алоқалар сиёсат, сифат ва меҳнат бозори ўзаро боғлиқликларини кучайтиради.
Шу билан бирга, Ўзбекистондаги касб-ҳунар таълими соҳасидаги ислоҳотларни Европа Иттифоқи кўмаги билан мувофиқлаштиришни ва Марказий Осиё минтақасида ТКТ тизимларини интеграциялашни таъминлайди.
Изоҳ (0)