Шавкат Мирзиёевнинг Олий Мажлисга Мурожаатномаси 20 декабрь куни бўлиши кутилмоқда
Шавкат Мирзиёевнинг Олий Мажлисга Мурожаатномаси 20 декабрь куни бўлиши кутилмоқда. Бу ҳақда журналист, сиёсий шарҳловчи Хайрулла Нуриддинов «Менимча» кўрсатувининг 17 декабрдаги эфирида маълум қилди.
«Мамлакат тараққиётининг энг муҳим, устувор вазифалари эълон қилинадиган ушбу йиллик мурожаатнома сешанба куни бўлиши кутилмоқда. Ўша куни бизни албатта жуда кўп янгилик кутмоқда, менимча», — деди журналист.
Ўзбекистон президентининг Олий Мажлисга мурожаат қилиш анъанаси дастлаб 2017 йил декабрь ойида жорий этилган бўлиб, мазкур мурожаатномада кўтарилган масалалар ўз долзарблиги билан фуқаролар ва халқаро ҳамжамиятнинг диққат эътиборини ўзига тортиб келмоқда. Президент ўз мурожаатида одатда ўтган йилни сарҳисоб қилади ва яқин келажакда республикани ривожлантиришнинг асосий йўналишларига тўхталиб ўтади.
