Наманганда бир ҳафта давомида электр ва газ тармоқларига ноқонуний уланиш билан боғлиқ 230 дан ортиқ ҳолат аниқланди. Бу ҳақда вилоят ҳокими Шавкат Абдураззақов маълум қилди, дея хабар беради «Дарё» мухбири Азизбек Абдувалиев.
Аниқланган ҳолатлар бўйича 13 та жиноят иши қўзғатилган.
«Охирги икки йил давомида ҳам шу йўналишда бунчалик жиноят ишлари очилмаган эди. Ишни ичига кирганимиздан сўнг ҳақиқий вазият намоён бўляпти. Бунга эртароқ киришиш мумкин эди, чунки бу соҳаларнинг ўзини алоҳида назорат қилувчи инспекциялари бор», — деди Наманган вилояти ҳокими мутасаддилар билан ўтказилган мулоқот давомида.
Йиғилишда ҳудудлардаги янгиланиши керак бўлган трансформаторлар, аҳолига қўшимча берилиши зарур бўлган газ баллонлари, кўмир таъминотидаги муаммолар ҳақида сўз борди. Ҳолатни қисқа муддатда ўнглаш юзасидан аниқ кўрсатма ва вазифалар берилди.
Изоҳ (0)