Ўзбекистон 10 ойда салкам 90 мингта чангюткич экспорт қилди

Давлат статистика қўмитаси маълумотларига кўра, Ўзбекистон 2022 йилнинг январь—октябрь ойларида хорижга қиймати 4,4 миллион долларга тенг бўлган 89,6 мингта чангюткич экспорт қилди.

Чангюткич экспорти 2021 йилнинг мос даврига нисбатан солиштирилганда 16,6 мингтага ошган. Ўзбекистон 10 ойда энг кўп чангюткич экспорт қилган давлатлар:

• Қозоғистон – 31,8 мингта;
• Россия – 27,8 мингта;
• Украина – 10,7 мингта;
• Қирғизистон – 8,6 мингта;
• Тожикистон – 6,3 мингта;
• Озарбайжон – 1,8 мингта.