Сурхондарёнинг 7 та туманидаги энергетика мансабдорларига жиноят иши қўзғатилди

Сурхондарё вилоятининг 7 та туманидаги энергетика мансабдорларига жиноят иши қўзғатилди.

Қайд этилишича, Музработ, Шеробод ва Узун туманлари ЭТК бошлиқлари, Қизириқ ЭТК бошлиғи ўринбосари, Сариосиё ЭТК ҳисобчиси, Денов тумани газ идораси бош муҳандиси, Музработ тумани кўмир омбори мудири жиноий ҳаракатларда гумонланиб, терговга тортилган.

Аввалроқ Шавкат Мирзиёев раислигидаги йиғилишда давлат раҳбари сўнгги кунларда аҳолини қийнаётган энергия таъминоти масаласига тўхталиб, зарур чораларни кўрмагани учун 7 нафар раҳбарга ҳайфсан берганди.

Йўл қўйилган хато ва камчиликлар учун

• бош вазирнинг биринчи ўринбосари А.Раматов;
• «Ўзбекнефтгаз» раиси М.Абдуллаев;
• «Иссиқлик электр станциялари» раиси Ф.Абдурахманов;
• «Ўзбекистон миллий электр тармоқлари» раиси Д.Исакулов;
• «Ҳудудий электр тармоқлари» раиси У.Мустафоев;
• «Ўзтрансгаз» раиси Б.Норматов;
• «Ҳудудгазтаъминот» раиси Б.Эшмуродовга ҳайфсан берилган.

• «Улар қишга тайёргарликни барбод қилди, шунча қилаётган ислоҳотларимизни обрўсизлантирди» — Мирзиёев раҳбарлар ҳақида
• «Бу вилоятлар ҳокими, прокурори, ички ишлар идоралари нима билан банд?» Президент энергия ресурсларидаги ўғриликларга тўхталди