Испания ярим ҳимоячиси Серхио Бускетс терма жамоадаги фаолиятини якунлади.
Бу ҳақида футболчининг ўзи Instagram саҳифасида маълум қилди.
Серхионинг Испания терма жамоасидаги сўнгги ўйини 2022 йилги Жаҳон Чемпионати нимчорак финали доирасида Марокашга қарши бўлиб ўтди. Учрашувнинг асосий бўлимларида 0:0 ҳисоби қайд этилган ва пенальтилар сериясида африкаликлар 3:0 ҳисобида зафар қучганди. Серхио Бускетснинг ўзи ҳам пенальтини ноаниқ амалга оширган.
34 ёшли футболчи 2009 йилдан буён Испания терма жамоаси шарафини ҳимоя қилиб келаётган эди. «Қизил фурия» билан бирга 2010 йилда Жаҳон Чемпионлиги ва 2012 йилда Европа чемпионлигини қўлга киритган.
Қатарда бўлиб ўтаётган Жаҳон Чемпионатидаги муваффақиятсизликдан сўнг Бельгия терма жамоаси аъзоси Эден Азар ҳам фаолиятини якунлаган эди.
Изоҳ (0)