Вазн йўқотиш ва организмни тозалашга ёрдам берадиган маҳсулотларни излаб тез-тез дорихоналарга мурожаат қиламиз ёки ижтимоий тармоқларда самарадорлиги исботланмаган қимматбаҳо маҳсулотларга буюртма берамиз. Бироқ бундай восита, яъни иссиқ сув ҳар бир ошхонада мавжуд. Wday нашри оч қоринга иссиқ сув ичиш инсон организмига қандай таъсир кўрсатиши ҳақида маълумот берди.
Эрталаб оч қоринга иссиқ сув ичишнинг фойдали жиҳатлари
Маълум бўлишича, эрталаб оч қоринга бир стакан иссиқ сув ичиш организмга яхши таъсир қилади, у:
- ичак ва ошқозонни токсинлардан тозалайди;
- заифлаштирувчи парҳезларсиз вазн йўқотишга ёрдам беради;
- қон босимини нормаллаштиради;
- ҳуснбузар ва ёғли теридан халос бўлишни таъминлайди.
Энг фойдали хусусиятлар иссиқ, бироқ қайнатилмаган сувда мавжуд. Сувни қайнатганда фойдали хусусиятлар йўқолади, бундай маҳсулот танада тўлиқ сўрилмайди. Бироқ катта шаҳарларда оддий ичимлик суви энг яхши сифатга эга эмас, баъзида уни хом ҳолда ичиш соғлиқ учун хавфли ҳисобланади. Бундай ҳолатда замонавий фильтрланган ёки сотиб олинадиган ичимлик сувидан фойдаланишингиз мумкин.
Эрталаб оч қоринга иссиқ сувни қандай ичиш керак?
Организмни тозалаш ва вазн йўқотиш учун ҳар куни бир стакан иссиқ, бироқ қайнатилмаган сув ичиш тавсия этилади. Тавсия этилган ҳарорат 40 даражани ташкил этади. Сувни уйғонгандан сўнг дарҳол, ҳар доим оч қоринга шошилмасдан, кичик қултумларда ичиш керак.
Таъмни яхшилаш учун сувга озгина асал ёки бир тилим лимон (бир неча томчи шарбати) қўшишингиз мумкин.
Шу билан бирга, лимонли сувни ичиш тавсия этилмайдиган ҳолатлар ҳам мавжуд: у ошқозоннинг кислоталилиги ошган инсонларга тавсия этилмайди. Шунингдек, сурункали ва ўткир гастрит ёки ошқозон яраси ҳам бор инсонлар лимонли сувни истеъмол қилмаслиги керак.
Эксперт фикри
«Оч қоринга сув ичиш ёки ичмасликни ҳар ким ўзининг овқатланиш афзалликларига қараб қарор қилади. Бироқ, иссиқ сувни ичмоқчи бўлсангиз, уни хона ҳароратида ёки максимал тана ҳароратида истеъмол қилган маъқул. Бу ҳолатда тана ҳароратни тенглаштириш ва ички гомеостазни сақлаб қолиш учун энергия сарфламайди. Жуда совуқ ёки иссиқ сув ошқозон шиллиқ қаватини безовта қилиши мумкин ва у камроқ физиологик хусусиятга эга бўлади.
Маълумки, лимон С витаминига бой. Лимон иссиқ сув ёки чойга солинса ўзининг фойдали хусусиятини, яъни С витаминини йўқотади.
Вазн йўқотиш учун иссиқ лимонли сув ичиш ҳам шарт эмас. Мен бу вазн йўқотишга ёрдам берадиган ёки метаболизмни тезлаштирадиган, ошқозон-ичак трактининг функцияларини яхшилайдиган ишончли тасдиқлайдиган тадқиқотларни кўрмадим. Бизнинг организмимиз ўз-ўзини тартибга солувчи тизим бўлиб, керакли ферментлар, микроэлементлар контцентрациясини назорат қилади ва бирор нарсанинг ортиқча қўшилиши ёки суюлтириш авторегуляция жараёнларининг бузилишига олиб келади.
Бундан ташқари, лимон таркибида сафро секрециясини рағбатлантирадиган органик кислоталар мавжуд. Гастрит, ошқозон ёки ўн икки бармоқли ичакнинг ошқозон яраси, холетцистит билан оғриган инсонларга оч қоринга иссиқ лимонли сув тавсия этилмайди. Бундай ҳолатда, шифокор билан маслаҳатлашиш керак.
Шу билан бирга, лимон истеъмол қилишни чеклаш ҳам керак эмас, бироқ мен С витаминини қизил қалампир, қорағат ва унга бой бўлган бошқа озиқ-овқатлардан ҳам олишни маслаҳат бераман. Суюқликларни қабул қилиш атроф-муҳит ҳарорати ва спорт машғулотларига қараб кун давомида тенг равишда тақсимланиши керак», — дейди диетолог Елена Рябинкова.
Мавзуга доир:
Изоҳ (0)