Ўзбекистоннинг Қозоғистондаги элчихонасида маст ҳолда келиб, элчихона мулкини зарар етказган остоналик эркак 3 йилга қамалди. Бу ҳақда Остона шаҳар суди хабар берди.
Маълум қилинишича, ҳодиса 2022 йил январь ойида юз берган ва етказилган зарар оқибатида Ўзбекистон элчихонасига катта миқдорда моддий зарар етган. Судланувчининг айби кузатув камераларидаги видеоёзувлар ёрдамида исботланган.
Суд ҳукми билан эркак Қозоғистон Жиноят кодексининг 202-моддаси 2-қисми 5-банди «Ўзганинг мулкини қасддан йўқ қилиш ёки шикастлаш» билан айбдор деб топилиб, уч йил муддатга озодликдан маҳрум этилди. Шунингдек, суд остоналик фуқародан Ўзбекистон элчихонаси фойдасига моддий зарар миқдорини ундирди. Бундан ташқари, унга қамоқхонада алкоголизмдан мажбурий даволаниш белгиланди.
Изоҳ (0)