АҚШ Сенати давлат ходимларига федерал ҳукумат электрон қурилмаларида TikTok’дан фойдаланишни тақиқловчи қонун лойиҳасини бир овоздан маъқуллади, деб хабар бермоқда Reuters.
Энди қонун лойиҳаси Вакиллар палатасида овоз беришдан ўтиши, ундан сўнг АҚШ президенти Жо Байден томонидан имзоланиши керак. Вакиллар палатаси қонун лойиҳасини келаси ҳафтагача кўриб чиқади.
The Hill қайд этганидек, Сенат ушбу қонун лойиҳасини қабул қилишидан аввал TikTok Хитой расмийларига маълумотларни узатаётгани ҳақидаги хавотирлар туфайли АҚҲнинг 13 штатида ундан ҳукумат қурилмаларида фойдаланиш чекланган.
«TikTok — бу Хитой Коммунистик партиясининг троя оти. Бу АҚШ хавфсизлиги учун жиддий таҳдид. Ижтимоий тармоқ Хитой билан алоқаларни бутунлай узмагунча, ҳукумат қурилмаларида унга ўрин йўқ », — деган республикачи сенатор Жош Хоули қонун лойиҳасини Сенатга киритар экан.
TikTok Хитойнинг ByteDance компаниясига тегишли бўлиб, компания Хитой расмийлари билан ҳамкорликда экани ҳақидаги шубҳалар туфайли АҚШда унга нисбатан даъволар мавжуд.
Мавзуга доир: АҚШда TikTok’ни тақиқлаш таклиф қилинди
Изоҳ (0)