Футбол бўйича ЖЧ—2022 ярим финалида Франция 14 декабрь, чоршанба куни Марокашга қарши баҳс олиб борди.
Учрашув тезкор гол билан бошланди. 5-дақиқада французлар ҳимоячиси Тео Эрнандес ҳисобни очди. Биринчи бўлимда бошқа гол урилмади. Иккинчи бўлимда ҳам Франция битта гол урди. 79-дақиқада Рандал Коло Муани ўз ҳисобига гол ёздириб қўйди.
Шу тариқа Франция финал йўлланмасига эга чиқди. Ҳал қилувчи учрашувда европаликлар 18 декабрь куни Аргентина билан баҳс олиб боради.
ЖЧ—2022
Ярим финал баҳси
14 декабрь, чоршанба
Франция — Марокаш 2:0
Голлар: 1:0 – 5 Эрнандес, 2:0 – 79 Коло Муани.Франция: Льорис, Кунде, Варан, Конате, Эрнандес, Тчуамени, Фофана, Жиру (Тюрам, 65), Гризманн, Дембеле (Коло-Муани, 79), Мбаппе.
Марокаш: Буну, Ҳакими, Саисс (Амалла, 21; Эз Абде, 78), Эл-Ямик, Дари, Мазрауи (Аттийят-алла, 46), Зиёш, Амрабат, Унаи, Ан-Несири (Амдалла, 66), Буфаль (Абухлял, 67).
Огоҳлантиришлар: Буфаль (27).
Изоҳ (0)