АҚШ президенти Жо Байден дунё ҳамжамияти яна пандемияга дуч келишидан огоҳлантирди. У 13—15 декабрь кунлари Вашингтонда бўлиб ўтадиган АҚШ—Африка саммитида шундай баёнот берди.
«Ҳатто COVID-19 тарқалишига қарши курашиш пайтида ҳам, биз соғлиқни сақлаш муаммоларига, жумладан, янги пандемияга қарши курашишга энг яхши тайёргарлик кўришимиз керак. Бунинг учун соғлиқни сақлаш тизими ва институтларини янада кучлироқ қилиб қуришда ҳамда умумий тиббий қамровни таъминлаш бўйича саъй-ҳаракатларни оширишда давом этишимиз зарур. Ва шубҳасиз, шундай қиламиз», — деди Америка раҳбари.
Байден, шунингдек, АҚШ Африканинг 49 давлатига 231 миллион доза вакцина етказиб берганини таъкидлади. Бундан ташқари, АҚШ Африканинг ўз вакциналарини ишлаб чиқариш салоҳиятига сармоя киритган. Оқ уй раҳбарининг фикрича, Африка муваффақияти бутун инсоният муваффақиятига олиб келади.
Сентябрь ойида Жо Байден пандемия тугашига қарамай, COVID-19 билан боғлиқ муаммо АҚШда сақланиб қолаётганини ва улар бу борада ишлашда давом этишини айтганди.
Изоҳ (0)