Россиянинг нефть экспорти апрелдан бери энг юқори даражага кўтарилди — IEA

Ноябрь ойида Россия нефть ва нефть маҳсулотлари экспортини апрель ойидан буён максимал даражага кўтарди — кунига 270 минг баррелдан 8,1 миллион баррелгача. Бу ҳақда «Дарё»га Халқаро энергия агентлиги (IEA) ҳисоботидан маълум бўлди.

Шу билан бирга, Россиянинг экспортдан тушган даромадлари ноябрь ойида 0,7 миллиард долларга камайди ва 15,8 миллиард долларни ташкил этди.

Агентлик даромаднинг камайиш сабабини Urals нефти нархининг пасайиши ва Россия хом ашёсига қўйилган чекловларнинг ошиши билан боғламоқда.

Маълумотларга кўра, мамлакатнинг нефть экспорти ҳажми деярли ўзгаришсиз қолган. Европа Иттифоқига нефть етказиб бериш кунига 430 минг баррелдан 1,1 миллион баррелгача камайганига қарамай, умумий ҳажм тахминан 5 миллион баррелни ташкил этди.

Ҳиндистонга хом ашё етказиб бериш ҳажми янги юқори кўрсаткичга етди — кунига 1,3 миллион баррель.

Шу билан бирга, Россиянинг нефть маҳсулотлари, асосан дизель ёқилғисининг экспорти суткада 300 минг баррелга ошириб, 1,1 миллион баррелга етди.

Аввалроқ юқори нарх чегараси жорий этилганидан сўнг Россия нефтининг нархи тушиб кетгани ҳақида хабар берилганди.