Косово президенти Вёса Османи, бош вазир Албин Курти ва парламент спикери Глаук Конюфса қисман тан олинган республиканинг Европа Иттифоқига қўшилиши ҳақидаги аризани имзолади. Бу ҳақда маҳаллий RTК телеканали хабар берди.
Сербия президенти Александр Вучич Косовонинг аризаси икки томон ўртасидаги келишувларни тўғридан-тўғри бузишидан огоҳлантирганди.
«Бугун биз мамлакатимизни Европа Иттифоқига бир қадам яқинлаштириш учун бирлашдик. Бу билан Европа Иттифоқи ҳам эркин ва тинч Европа лойиҳасини амалга оширишга бир қадам яқинлашди. Косово ва унинг фуқаролари учун ҳеч қачон бундан бошқа муқобили бўлмаган», — дейди Османи.
Қисман тан олинган Косово президенти Европа Иттифоқига қўшилиш жараёни «силлиқ бўлмаслиги» ва узоқ вақт талаб қилиши мумкинлиги ҳақида огоҳлантирди.
Аввалроқ Сербия президенти Александр Вучич минтақадаги янги кескинлашув фонида Косовонинг ЕИга аъзо бўлиш учун ариза бериш нияти Вашингтон 2020 келишувини бузишини маълум қилганди.
Косово бош вазирининг Европа интеграцияси учун масъул биринчи ўринбосари Бесник Бислимининг айтишича, тан олинмаган ресспублика тахминан 2030 йилга келиб ЕИга киришга тайёр бўлиши мумкин. Шу билан бирга, Европа Иттифоқининг бешта давлати (Кипр, Греция, Руминия, Словакия ва Испания) Косово мустақиллигини ҳалигача тан олмаяпти.
Мавзуга доир:
Изоҳ (0)