Россия Украинадаги махсус операциясига қамоқхоналарда Вагнер хусусий ҳарбий компанияси томонидан ёлланган ўн минглаб аскарларни жўнатмоқда. Бу ҳақда Украина Қуролли кучлари Махсус операция кучлари қошидаги Миллий қаршилик маркази хабар бермоқда.
«Истилочилар жами 23 минг нафар маҳбусни ёллаб, улардан ҳужумларда тўп еми сифатида фойдаланмоқда. Уларнинг ўлими Россия жамоатчилигида акс-садо бермаяпти ва шу сабабли россияликларга талафотлар ҳақида ўйламаслик имконини бермоқда», — дейилади хабарда.
Таъкидланишича, душман томон «арзон жангчилар ҳаётини украиналиклар ҳаётига айирбошламоқда» дейиш мумкин.
«Босқинчилар маҳбуслардан ҳужум отрядларини тузмоқда, ҳужум чоғида аэроразведкадан фойдаланмоқда, шунинг шарофати билан гуруҳ командирлари ўз қўли остидагилар ҳаракатларини кузатиб бормоқда», — дея маълум қилди Миллий қаршилик маркази.
Марказ урғу беришича, ушбу талафотлар Вагнер гуруҳини одамгарчиликдан чиқармайди, чунки малакали шахсий таркиб ва раҳбарият ҳужумларда қатнашмайди.
Аввалроқ Россия колонияларидаги маҳбуслар 2 ой ичида рекорд даражада камайиб кетгани, бу улар урушга ёлланаётгани билан боғлиқ бўлиши мумкинлиги хабар берилган эди. Шунингдек, Британияда «Вагнер» гуруҳи Украинадаги хатти-ҳаракатлари туфайли судга берилди.
«Konkord» компанияси эгаси бўлган Евгений Пригожин 2016 йилдан буён АҚШ, 2020 йилдан буён эса Евроиттифоқ санкциялари остидадир. Вашингтонда у Интернет тадқиқотлари агентлиги (троллар фабрикаси) ва «Вагнер»ни назорат қилишда айбланган. У «Вагнер»га алоқадорлигини кўп марта рад этган ва бундай айбловлар сабабли судлашган, аммо 2022 йил сентябрида у «Вагнер» асосчиси эканини маълум қилди. Ташкилотни 2014 йилда, унинг сўзларига кўра, «Донбассда рус халқига нисбатан геноцид» бошланган вақтда тузган. Мавзуга доир:Вагнер гуруҳи ўзи қандай гуруҳ?
Кўплаб Ғарб ОАВлари Вагнер гуруҳи тўғридан-тўғри Владимир Путинга бўйсунишини ёзади. Унинг ёлланма жангчилари болаларни ўлдириш, аёлларни зўрлаш ва қийноққа солиш, шунингдек, шафқатсиз қотилликларда айбланиб келади.
Изоҳ (0)