«Украинага энергетика объектларини тиклаш учун камида 1,5 млрд евро керак» — Зеленский

Украина президенти Владимир Зеленский мамлакат ер усти энергиясини қайта тиклаш учун 1,5 миллиард евро кераклигини маълум қилди. Бу ҳақда UNIAN хабар берди.

Президент Парижда бўлиб ўтган «Украина халқи билан бирдамлик» конференциясида сўзлаган нутқида бу бўйича гапирган.

«Афсуски, электр станцияларимизнинг аксарияти ўққа тутилиши оқибатида шикастланган ёки вайрон бўлган: барча гидроэлектр станциялар, иссиқлик электр станциялари ва бошқалар. Россия зарбалари оқибатида вайрон бўлган Украина энергетика объектларини тиклаш учун камида 1,5 миллиард евро керак», — дейди у.

Зеленскийнинг таъкидлашича, Россия Украинада блэкаут бўлишидан манфаатдор. Бу орқали Кремль Европага гўёки «мағлубият» сифатида қараши мумкин.

Мавзуга доир:

• Зеленский Байденга Украина энергетика инфратузилмасининг 50 фоизи вайрон қилингани ҳақида айтди
• Россия дронларининг ҳужумидан сўнг Одесса вилоятида 1,5 млн одам электрсиз қолди. Аҳолидан ҳудудни тарк этиш сўралмоқда