Қуйидаги актёр ва актрисалар яна қанча ажойиб фильмларда рол ўйнашлари мумкин эди. Афсуски, уларнинг тақдири бошқача якунланди.
Ная Ривера
Америкалик актриса «Хор» телесериалидаги қувноқ Сантана Лопез роли билан танилган ва у кўплаб мукофотларга сазовор бўлган.
Ривера 2020 йил 8 июль куни Калифорния штатидаги Пиру кўлида ижарага олинган қайиқда тўрт ёшли ўғли Жози топилганидан кейин қидирувга берилган. Бола ёлғиз эди. Қутқарувчилар етиб келганида у қутқарув нимчасида ухлаб ётганди.
Боланинг айтишича, у онаси билан чўмилаётган бўлган. Кейин Ная болага қайиққа чиқишига ёрдам беради, лекин ўзи чиқолмайди. Боланинг сўзларига кўра, онаси сув остига ғойиб бўлган. Катта эҳтимол билан Ривера кўлда кўп учрайдиган кучли оқим ва гирдобларга тушиб қолган. 33 ёшли актрисанинг жасади қидирувнинг 5-куни топилган.
Кемерон Бойс
Америкалик актёр ва раққос «Жесси» комедик сериали, «Ўйинчининг кундалиги» ва «Авлодлар» фильмларидаги бош роллари билан танилган.
Кемерон 20 ёшида — 2019 йил 6 июлдан 7 июлга ўтар кечаси уйқусида вафот этади. Кейинчалик ўлим сабаби эпилепсия хуружи сифатида келтирилади. Актёр узоқ вақтдан бери сурункали хасталикдан азият чекиб келган, бироқ Кемероннинг қариндошлари аниқ ташхисни маълум қилмаган.
Чедвик Боузман
Marvel кинооламидаги Қора пантера роли учун Чедвик Боузман нуфузли мукофотга сазовор бўлади. Афсуски, Чедвик ўзининг сўнгги фильми «Ма Рейни: Блюз онаси» фильмини кўрмади. Актёр премьерадан уч ой олдин — 2020 йил августда вафот этди.
2016 йилда Боузманга йўғон ичак саратони ташхиси қўйилган. Актёр касаллигини ҳаммадан яшириб, фильмларда рол ўйнашни давом эттиради. Чедвик 43 ёшида касаллик асоратларидан вафот этди.
Пол Уокер
«Форсаж» юлдузи 2013 йил ноябрь ойида ўз уйидан бир неча кўча нарида вафот этади. Пол ўша куни Филиппиндаги тўфон қурбонларига маблағ йиғиш учун уюштирган хайрия тариқасидаги автокўргазмада ҳалокатга учрайди.
Гувоҳларнинг сўзларига кўра, Пол қизил Porsche автомобилининг йўловчи ўриндиғига ўтирган. Рулда унинг яқин дўсти бўлган. Натижада дўсти бошқарувни йўқотиб, машина чироқ устуни ва дарахтга бориб урилган. Машина бир зумда ёниб кетган. Ҳайдовчи ва йўловчи воқеа жойида ҳалок бўлган. Пол Уокер 40 ёшда эди.
Антон Елчин
Актёр бир марта Гарри Поттер роли учун кастинг топширади, аммо омад унга кулиб боқмайди. Аммо ёш актёр машҳур «Доктор Хафф» телесериалида иштирок учун «Дунёнинг энг таъсирчан актёри» мукофотига сазовор бўлади. Биринчи ролини Антон тўққиз ёшида ўйнаган: уни «Одам асосан сувдан иборат» мустақил фильмига таклиф қилишган.
Шуни таъкидлаш керакки, у ажойиб актёрлик қобилиятига эга эди. Эҳтимол, айнан шу фазилати унга Голливудни забт этишда ёрдам бергандир. Натижада Антон таниқли режиссёрлар билан ҳамкорлик қила бошлайди. «Юлдузли йўл» ва «Терминатор» блокбастерларида иштирок этиш Елчинга шуҳрат ва машҳурлик олиб келади.
Актёрнинг ижодий карьераси айни чўққисига чиққанда тўхтаб қолади. Антон ноодатий бахтсиз ҳодисадан вафот этади: шунчаки қўл тормозига қўйилмаган машинаси уни босиб кетади. Эндигина 27 ёш кирган актёр 2016 йил 19 июнда вафот этади.
Курт Кобейн
Ўтган асрнинг энг сирли ва экстравагант мусиқачиларидан бири 1967 йил 20 февралда Абердинда (Вашингтон) уй бекаси ва автомеханик оиласида туғилган.
Агар бувиси бўлмаганида унинг тақдири умуман бошқача бўларди. Ота-онаси ажрашгандан сўнг, Курт ғамгин ва бефарқ бўлиб қолади. Аммо бувиси набирасида ажойиб мусиқий қобилиятларни кўради ва уни ривожлантиришга ёрдам беради. Бундан ташқари, Курт чиройли расм чизган.
Кобейн оламшумул шон-шуҳратга жасурлиги ва меҳнати билан эришади. Қийин характерига, доим ёлғиз қолиш истагига қарамай, у яратган «Nirvana» гуруҳи қисқа вақт ичида Кобейнни ёшлар кумирига айлантиради. Ноодатий мусиқа ва қўшиқлар Курт истеъдодининг миллионлаб мухлисларини ўзига жалб қилади.
Аммо Кобейн машҳурликни ёқтирмасди, у ўзини доим ҳамманинг эътиборидан четда ҳис қилар эди. Шунингдек, мусиқачи дўкондан олинган гўшт бўлакларини қуролдан отиш учун ўрмонга тез-тез бориб турган. Шу тариқа у руҳий ноқулайликдан қутулган.
Ажабланарлиси шундаки, Курт бир неча миллион долларлик бойлиги бўлса-да, жуда оддий яшаган. Унинг мураккаб ва қарама-қарши ҳаётидаги ягона тасаллиси — қизи Френсис эди. Машҳур мусиқачи 1994 йил 5 апрелда 27 ёшида сирли тарзда вафот этади.
Полиция мусиқачининг ўз жонига қасд қилганини даъво қилади. Аммо баъзи экспертлар бу версияга шубҳа қилишган ва ҳатто Кобейннинг ўлимида унинг шов-шувли ҳаракатлари билан танилган рафиқаси Кортни Лавни гумон қилишган.
Крис Фарли
У бош ролни ўйнаган Деннис Дуганнинг «Беверли-ҳиллзлик нинзя» фильми оламшумул шуҳрат келтиради. Кўпчиликнинг тан олишича, Голливудда Крис Фарлидан кўра кулгили комедиячи бўлмаган. Албатта, у кўп сонли роллари билан мақтана олмайди. Аммо унинг экрандаги ҳар бир роли томошабинлар хотирасида қолди.
Реал ҳаётда Крис меҳрибон ота бўлиб, икки фарзандни тарбиялайди. Кўпгина Голливуд юлдузлари Криснинг ажойиб карьерага эга бўлишига шубҳа қилишмаган. Бироқ актёрнинг ўзи барча умидларни чипакка чиқаради. Спиртли ичимликлар, ноқонуний гиёҳванд моддалар ва семизлик Фарли курашмоқчи бўлган, охир-оқибатда ўлимига сабабчи бўлган асосий муаммолардир. У 1997 йил 18 декабрда 33 ёшли актёрнинг гиёҳванд моддаларнинг юқори дозасидан юраги тўхтаб қолади. Ўлимидан сўнг актёр Голливуд Шон-шараф хиёбонида ўз юлдузига эга бўлди.
Кори Хейм
Режиссёр Жоэл Шумахер томонидан суратга олинган «Йўқолган болалар» фильми актёр ижодий фаолиятининг култига айланди. Ушбу ўсмир образи Корини ўтган асрнинг 80 йилларида америкалик ёшларнинг кумирига айлантирди. Хейм кўчада пайдо бўлганда, минглаб мухлислар уни ўраб олишарди. Афтидан, Корига омад кулиб боққанди ва уни ҳеч қачон қўйиб юбормасди.
Аммо у таниқли ҳамкасблари — Голливуд юлдузлари томонидан эътироф этилган актёрлик истеъдодини ривожлантира олмади. Корининг гиёҳванд моддаларга бўлган иштиёқи карьерасига нуқта қўйди, оддийроқ қилиб айтганда, ҳаммасини йўқ қилди. Хейм бир неча марта уринса ҳам бу одатидан қутула олмади.
Тан олиш керакки, ўша пайтга келиб унинг ижодий карьераси пасайиб кетган, собиқ ёшлик кумири унутилган эди. Эҳтимол, ишидаги муваффақиятсизликлар, ҳаётидаги кўнгилсизликлар актёр ҳаётида фожиали рол ўйнаган. У 2010 йил 10 мартда дозани ошириб юбориш оқибатида вафот этади, ўшанда актёр 38 ёшда эди.
Мавзуга доир:
Кино оламида катта из қолдирган, аммо фожиали тарзда вафот этган «Гарри Поттер» юлдузлари (фото)
Истеъдодли ва ёш: суратга тушган сўнгги фильмларини кўриш насиб этмаган актёрлар
Биргина омадсиз роли туфайли томошабинлар назаридан қолган Голливуд актёрлари (фото)
Изоҳ (0)