Андижонда сут маҳсулотларини қайта ишлаш корхонаси электр энергиясидан ноқонуний фойдаланиб келгани аниқланди. Бу ҳақда Энергетика вазирлиги матбуот хизмати хабар берди.
Қайд этилишича, истеъмолчилар томонидан электр тармоқларига ноқонуний уланиш, электр энергиясини талон-торож қилиш ҳолатларини аниқлаш ва уларга нисбатан тегишли чоралар кўриш юзасидан «Ўзэнергоинспекция» томонидан жойларда назорат тадбирлари ўтказилмоқда.
Андижон шаҳар, Эски Ўш кўчасида фаолият юритиб келаётган «Ф.Х.С» МЧЖга қарашли сут маҳсулотларини қайта ишлаш корхонасида шундай ҳолат қайд этилган. Корхонанинг иккинчи электр узатиш линиясидаги электр ўлчов приборлари дастурга киритилмасдан ноқонуний фойдаланиб келаётгани аниқланиб, ҳисобга олинмаган электр энергияси бўйича 684,17 миллион сўм қайта-ҳисоб амалга оширилган.
Ушбу ҳажмдаги электр энергияси ҳозирги кунда 6 мингта хонадоннинг бир ойлик истеъмолига тенг миқдорни ташкил қилади.
Ўтказилган ўрганишлар натижасида электр энергиясидан ноқонуний фойдаланган истеъмолчининг электр қурилмалари тармоқдан ажратилган. Аниқланган ҳолат бўйича тегишли чоралар қўллаш учун ҳужжатлар ҳуқуқни муҳофаза қилувчи органларга юборилган.
Айни пайтда электр энергиясидан ноқоқнуний фойдаланиш ҳолатлари бўйича ўрганишлар давом этмоқда.
Мавзуга доир: Олмалиқдаги корхона 5 мингга яқин хонадоннинг бир кунлик истеъмолига тенг газдан ноқонуний фойдалангани аниқланди
Изоҳ (0)