Европа Иттифоқининг Россия хом ашёсига қарамлигини камайтириш фонида декабрь ойида Британиянинг минтақага кунлик табиий газ экспорти 2016 йилдан бери энг юқори даражага етди. Бу ҳақда The Telegraph хабар бермоқда.
Маълумотларга кўра, 4—5 декабрь кунлари Шимолий денгиздаги Interconnector газ қувури орқали Буюк Британиядан Бельгияга юборилган табиий газ ҳажми бўйича декабрь ойидаги энг юқори кўрсаткичлар олти йил ичида қайд этилган.
Бельгиянинг Зеебругге Флухйс шаҳридаги газ терминали операторининг маълум қилишича, улар кунига қарийб 55 миллион кубометр газга импорт қилган.
Шу билан бирга, Буюк Британия қиш мавсумида қиролликнинг ўзида газга бўлган талаб ортиб бораётгани сабабли континентал Европага камдан-кам ҳолларда газ экспорт қилади.
Бироқ Европа Иттифоқи Шимолий денгизнинг Британия шелфидаги қазиб олинаётган газдан Россия энергия ресурсларига қарамликни камайтириш йўлларидан бири сифатида фойдаланиши мумкин.
Бундан ташқари, Европа Иттифоқидаги газ нархи Буюк Британияга нисбатан юқорилиги савдогарларни қитъага кўпроқ газ йўналтиришга ундади.
Аввалроқ Европа газ истеъмолини камайтираётгани ҳақида хабар берилганди.
Изоҳ (0)