Йил бошидан бери Ўзбекистонда қайси ҳудудлардан кўпроқ солиқ тушумлари олинди?

Ўзбекистонда жорий йилнинг 11 ойида солиқ органлари томонидан 135,8 трлн сўм тушумлар таъминланиб, ўтган йилнинг мос даврига нисбатан 20 трлн сўмга ёки 117 фоиз ўсишга эришилди. Бу ҳақда Давлат солиқ қўмитаси хабар бермоқда. 

Солиқ турлари кесимида мол-мулк солиғидан 3,6 трлн сўм ундирилиб, ўтган йилнинг мос даврига нисбатан 1,3 трлн сўмга ёки 157 фоизга ўсишга эришилди. 

Шунингдек, январь—ноябрь ойларида ер солиғидан 4,8 трлн сўм ундирилган. Бу кўрсаткич 2021 йилнинг мос даврига нисбатан 1,2 трлн сўмга ёки 133 фоизга ўсган. 

Бундан ташқари, айланмада олинадиган солиқлардан 2,3 трлн сўм ундирилган бўлса, ҚҚС тушумлари 30,4 трлн сўмни ташкил қилган. 

11 ойда солиқ тушумлари ҳудудлар кесимида Тошкент шаҳрида энг кўп бўлган — 19,3 трлн сўм. Бу ўтган йилнинг мос даврига нисбатан 5,8 трлн сўмга кўп. 

Фарғона вилоятида 3,9 трлн сўмлик солиқ тушумлари билан иккинчи бўлган бўлса, Самарқанд вилоятида бу кўрсаткич бироз камроқ, 3,8 трлн сўмни ташкил қилган. 

Шунингдек, Бухоро вилоятида 3 трлн сўмлик, Қорақалпоғистонда 2,1 трлн сўмлик, Жиззах вилоятида 1,6 трлн сўмлик. Сирдарё вилоятида 1,1 трлн сўмлик солиқ тушумлар ундирилган.

Мавзуга доир: 

• Ўзбекистонда қўшилган қиймат солиғининг пасайиши иқтисодиётга қандай таъсир қилади?
• Тамаки маҳсулотлари учинчи, алкоголлар тўртинчи: 2022 йил ярми бўйича акциз солиғи тушумлари эълон қилинди