Тоғлар ва ўрмонлар билан ўралган Мудурну шаҳри Туркиянинг Болу вилояти марказидан 52 км узоқликда жойлашган бўлиб, ўзининг бир неча асрлик қадимий масканлари билан сайёҳларни жалб қилиб келган. «Дарё» мухбири Туркия маданият ва туризм вазирлиги томонидан ташкил этилган пресс-тур доирасида Мудурну ва Сафарболу шаҳарларида бўлиб, шаҳар кўчаларини кадрларга муҳрлади.
Шаҳарда Усмонийлар даврида қурилган қасрлар сақланиб қолган ва шаҳар ўзига хос антик руҳини йўқотмаган. Бу тарихий даврни ҳис қилиш имконини беради.
Мудурну Буюк ипак йўлида, Табриз ва Константинополни боғловчи йўлда жойлашган. Шунингдек, бу ердан яна бир муҳим савдо артерияси — Дамашқдан Қримгача бўлган йўналиш мавжуд. Савдо йўллари чорраҳасида жойлашган бу жой Мудурнани муҳим савдо марказига айлантирган.
Мудурнуда жами 180 га яқин қадимий бино сақланиб қолган. Уларнинг баъзилар ҳозир кичик меҳмонхоналарга айлантирилган.
2015 йилда Мудурну кўп асрлар давомида ўз анъаналарини сақлаб қолган усталар шаҳри сифатида ЙUNЭСКО рўйхатига киритилган. Улар орасида 700 йилдан ортиқ вақт давомида жума намози ўқиб келинган махсус жой бор.
Шаҳарда ёғочдан ясалган соат минораси мавжуд бўлиб, у 1891 йилда қурилган. Урушлар ва бошқа сабаблар билан минора бир неча марта ёндирилган ва қайта тикланган. Охирги маротаба 1964 йилда реконструкция қилинган. Миноранинг ўнг қисмидаги тепада қадимги қалъа харобалари мавжуд. Улар Мудурнанинг яна-да қадимий ўтмишига, Модрена деб аталган ва Византиянинг кичик бир қишлоғи ҳисобланади. Император Юстиниан уни шаҳар мақомига кўтарган бўлиб, шундан кейин бу жой Янги Justиниана деб аталган. Асрлар давомида бу талаффуз Мудурнуга ўзгарган.
Шаҳарда иккита қадимий масжид ва битта ҳаммом бор. Султон Боязид биринчи номи билан аталувчи масжуд ва ҳаммом 1374 йилда Султоннинг валиаҳд шаҳзодалик вақтида қуриб битказилган. Ҳаммом ҳали ҳам ишламоқда. Иккинчи масжид эса Султон Сулаймон томонидан 1546 йилда бунёд этилган.
Бир замонлар ҳаёт қайнаган шаҳар бугунга келиб хийла сокин тортган. Аммо Мудурнудаги мозий нафаси келиб турган кўчалар, фотиҳу жаҳонгирларни саждага бош қўйдирган масжидлар, қадимий карвонсаройлар, қоялар бағрида қурилган муҳташам уйларни кўриб, ўтмишдаги шон-шавкат яна қайтишига ишонгингиз келади.
Изоҳ (0)