Россия Мудофаа вазирлиги Украина Саратов ва Рязань вилоятларидаги ҳарбий аэродромларга дрон билан ҳужум қилишга урингани, оқибатда уч ҳарбий ҳалок бўлганини маълум қилди. Бу ҳақда «РИА Новости» хабар берди.
«5 декабрь куни эрталаб Киев режими Рязань вилоятидаги Диагилево ва Саратов вилоятидаги Энгельс ҳарбий аэродромида Совет реактив дронларидан зарба беришга уринди», — дейилади баёнотда.
Вазирликнинг таъкидлашича, ҳужум оқибатида уч нафар ҳарбий-техник ходим ҳалок бўлган, яна тўрт нафари жароҳатланган, уларга барча зарур тиббий ёрдам кўрсатилган. Россия авиацияси ҳаво ҳужумидан мудофаа тизимларидан фойдаланган ҳолда паст баландликда учаётган Украина дронларини ушлаб олгани айтилмоқда.
«Россия аэродромларида реактив дрон парчаларининг қулаши ва портлаши оқибатида иккита самолётнинг корпуси бироз шикастланди», дейилади хабарда.
Таъкидланишича, бунга жавобан Россия Украина ҳарбий қўмондонлик ва назорат тизими ва тегишли мудофаа 17 та объектларига кучли зарба берди.
«Украинанинг марказлари, энергетика ва ҳарбий қисмларига юқори аниқликдаги ҳаво ва денгиз қуроллари билан катта зарба берилди», — дейилади Россия Мудофаа баёнотида.
Мавзуга доир: Молдованинг Украина билан чегарадош ҳудудига ракета келиб тушди (фото)
Изоҳ (0)