Хонанда Жасур Умиров «Омон-омон» кўрсатувига берган интервьюсида нима сабабдан қизларнинг исмига қўшиқ куйлаши, аслида дўстлари бўлмагани ва ҳамкасбларининг ижодига муносабати ҳақида гапириб берди.
Жасур Умиров нима сабабдан кўп қўшиқларини қизларининг исмига атаб куйлаши ҳақида
Аслида қўшиқларимда исмни ишлатишдан қочишга ҳаракат қиламан. Лекин исм қўйилса қанақадир хит даражасига чиқиш фоизи янада ошади. Исм қўйса, ашула ўзгаради.
«Райҳоннинг ижодига ҳам, ҳаётига ҳам умуман қизиқмайман»
Мен Райҳонни ижодига ҳам, ҳаётига ҳам умуман қизиқмайман. Ҳаттоки кўришиб қолсак, саломлашмаймиз ҳам. Райҳонни синглим яхши кўради, шу сабабдан уни тўйларга чақирар эдим. Бошқа санъаткорларга пул берилмайди, қайси санъаткорни чақирсам келган. Ҳар сафар Райҳонга пулини бераман, чунки сўрайди.
Аёл хонандалардан Зиёданинг, Канизанинг ижоди ёқади. Зулайҳо опам билан дуэт куйлаган бўлар эдим, овозимиз ҳам тушса керак. Бунга унинг овоз тембрлари сабаб. Болалигимда Анвар Санаевга қизиққанман. Ўша пайтда бутун Ўзбекистон Анвар акамнинг мухлиси бўлган.
«Ҳозир ҳаммадан кўнглим қолиб кетган»
Аслида дўстларим йўқ экан, иккиюзламачи бўлган. Умуман қўлидан иш келмайдиган болаларни ҳам қўлига иш бериб, уй, машина, хотин олишига ёрдам берганман. Ҳаммасига ёрдамим тегган. Бироқ инсонни бошига қандайдир мусибат тушганда улар йўқолиб қолар экан. Ҳаттоки ҳол-аҳвол ҳам сўрашмади. Бу гапириладиган, сўраладиган гап эмас. Шунинг учун индамай қўйдим, қарасам мен инсонларни ажратишни умуман билмас эканман. Ҳозир ҳаммадан кўнглим қолиб кетган, шунинг учун кўрсатувларда кам кўринишга ҳаракат қиламан. Фақат тинчгина ижод қиламан.
Шунингдек Жасур Умиров ҳамкасблари ҳақидаги фикрларини билдириб ўтди
Аҳад Қаюм — Лаҳад Қаюм, Шароф Муқимов — яхши инсон, Liil Xurramovни танимайман, Нуриман Султонхўжаевга тилим ожиз, Каниза — Леди Гага, Ҳалимахоним — судья, Сардор Мамадалиев эрталабдан турганда «оҳҳ» деб овоз чиқади — шу. Юлдуз Усмоновани умуман эшитмайман, овози ҳам ёқмайди, Бунёдбек Саидов — Хоразм ҳокими, чунки ҳар бир санъаткор борганда ҳокимни кутиб олгандек кутиб олади: оқибати яхши.
Мавзуга доир:
- Instagram: Фарзандли бўлган Каниза, Дилноза Кубаева хонадонида тўй, 3800 доллар жарима тўлаган Жасур Умиров.
- Instagram: Жасур Умиров уйланмоқда, Жумадулла Раметовнинг туғилган куни нишонланди, «Афандининг қизлари» тугатилди.
- «Бошим тошга тегганидан сўнг севгимни изламай қўйдим». Жасур Умиров оддий оиланинг қизига уйланиш нияти борлиги ҳақида гапирди.
- Instagram: Жасур Умиров оёғини синдирди, «ВИА Мароканд» хонандаси Асал янги машинали бўлди, Лола усталардан норози.
Изоҳ (0)