Турк кино оламининг шундай машҳур вакиллари борки, уларнинг фарзандлари ёш бўлишига қарамай, ота-оналаридан кўра кўпроқ машҳурликка эришган. Elle нашри туркиялик машҳурларнинг ўзидан ҳам кўпроқ машҳур бўлиш имкониятига эга фарзандлари ҳақида маълумот берди.
Мави — Гамзе Эрчел ва Жанер Йилдиримнинг қизи
Мави нафақат машҳур брендларнинг юзига айланиб бораётган Гамзе Эрчелнинг қизи, балки дунёга машҳур турк актрисаси Ханде Эрчелнинг жияни ҳамдир. Қизалоқнинг отаси эса тор доираларда ва шу билан бирга оммавий ахборот воситаларида жуда таниқли архитектор ҳисобланади. Қизалоқ ижтимоий тармоқларни забт этмоқда ва унинг Ханде билан тушган суратлари муҳокамаларга сабаб бўлади.
Мави ўзи учун қайси йўлни танлаши ҳали аниқ эмас, бироқ агар бу йўл кино карьераси бўлса, унда Мави Йилдирим холасидан кўра кўпроқ машҳур бўлиш учун барча имкониятларга эга. Барча мухлислар қизалоқни осон танийди ва шунинг учун режиссёрлардан бири унга биринчи ролини бериши мантиқан тўғри.
Каран — Бурак Ўзчивит ва Фаҳрие Эвженнинг ўғли
Кўплаб томошабинлар Бурак Ўзчивит ва Фаҳрие Эвженнинг фарзанди Каран ҳақида билади, болакай реклама ролигида суратга тушиб 57 300 доллар миқдоридаги маблағни қўлга киритган. Каран кадрда бор-йўғи беш сония бўлди ва у отаси ва онасига қараганда кўпроқ фойда олди.
Машҳур ота-оналар ўз фарзанди билан экранда кўриниш бериши билан уларга таклифлар туша бошлайди. Каран отасининг тақдирини такрорлайдими ёки йўқми, бу ҳозирча номаълум, бироқ уни реклама ролигида суратга тушиб, энг катта маблағ олган болакай деб аташ мумкин.
Майя Башол — Аси ва Эмраҳ Башолнинг қизи
Майя Башол «Эшигимни тақиллат» сериалида Серкан Болат ва Эда Йилдизнинг қизи ролини ўйнади. Ҳаммаси ижтимоий тармоқларда қизнинг онаси қизининг аккаунтини очишга қарор қилганидан бошланди. Қизалоқ ўз кийимларини синчковлик билан танлайди, суратга олади ва мунтазам равишда янги кадрларни саҳифасига жойлайди. Шундан кейин актрисага бир қанча таклифлар тушди.
Майянинг отаси таниқли бизнесмен, шунинг учун ҳам унинг машҳур бўлиши табиий эди. Бироқ қизалоқнинг ота-онаси қизининг муваффақиятига соя сола олмади, сабаби у жуда харизматик ва истеъдодли. Майа Башол тез орада юлдузга айланиши мумкин.
Лара ва Лили Коли — Марям Узерлининг қизлари
«Муҳташам юз йил» сериалида Хуррам Султон образини гавдалантирган актриса Марям Узерли икки қизнинг бахтли онаси. Марямнинг мухлислари кўпинча қизалоқларининг унга жуда ўхшаб кетиши ҳақида ёзади. Бу ҳолатда қизлар онасидан кўра кўпроқ машҳур бўлиш учун барча имкониятларга эга, чунки актрисанинг қизлари билан тушган сурати муҳокамаларга ва турли хил изоҳларга сабаб бўлади.
Лили Коли ҳали жуда кичик, бироқ Лара яқин келажакда сериалларда рол ўйнаши мумкин. Актриса лойиҳаларда суратга тушиш қийинлигини билгани боис қизларини бу ишлардан йироқ тутади. Бироқ эртами-кечми қизлар онасининг изидан бориши мумкинлигини инкор этиш бефойда.
Эбрар Демирбилек — Эрдар ва Лейла Демирбилекнинг қизи
Эбрарнинг ота-онаси актёрлик муҳитидан узоқда бўлса ҳам, у ҳақиқий юлдузга айланган. Қизалоқнинг дадаси қимматбаҳо бутикнинг эгаси, шунинг учун у машҳурлар ва бадавлат турклар орасида жуда машҳур. Бироқ тадбиркорнинг қизи ундан кўра машҳурликка эришган.
Қизалоқ «Беқарор» сериалида суратга тушганидан кейин машҳурликка эришди, у сериалда бош қаҳрамоннинг синглиси ролини ижро этди. Ҳозирда ижтимоий тармоқларда қизалоқнинг Керем Бурсин билан сериалда бош ролни ўйнаши ҳақида миш-мишлар тарқалмоқда, бу унинг рейтингини янада оширади.
Али — Ҳалит Эргенч ва Бергузар Корелнинг ўғли
«Муҳташам юз йил» сериада Султон Сулаймон ролини ижро этган актёр Ҳалит Эргенч ўз фарзандларини оммавий ахборот воситалари диққат-эътиборидан астойдил ҳимоя қилади. Бироқ актёрнинг мухлислари тўнғич ўғли Алининг суратларидан баҳраманд бўлиши мумкин. Алининг кўзлари отасининг ўткир кул ранг кўзларига ўхшамаса ҳам, у жуда чиройли кўринишга эга. Кўплаб мухлислар унинг таниқли ота-онасидан кўра машҳурликка эришишини айтмоқда.
Умуман олганда, бу фикр тўғри, Али ҳатто папарацциларни ҳайратда қолдириб, камерада яхши суратга тушади. Агар Ҳалит фарзандини чекламаса ва унга ўзини актёр сифатида синаб кўришга имкон берса, Али ҳам машҳурликка эришади.
Тарик Эмир Текин — Шеввал Самнинг ўғли
«Муҳташам юз йил» сериалидаги Валиде Султон роли билан томошабинлар эътирофига сазовор бўлган актриса Шеввал Семнинг фарзанди аллақачон вояга етган. Шунинг учун у ўз карьерасини қурмоқда ва машҳурликка эришмоқда. Такин 25 ёшда ва у Оксфорд драма мактабини тамомлаган. Актёрнинг карьераси яқинда бошланган, бироқ унинг онасини ортда қолдириш учун барча имкониятлари бор.
Такин 2020 йилда «Вафосиз» телесериалида рол ўйнади ва ҳозирда у Алина Боз унинг партнёри бўлган «Фаришталар эртаги» лойиҳасида бош ролни олди. Бу жуда яхши бошланиш, чунки актриса жуда кўп ролларга эга ва ҳатто Туркияда «Оскар» мукофотига тенг бўлган «Олтин капалак»ни олган.
Мавзуга доир:
- Ҳанде Эрчел, Фаҳрие Эвжен ва вазн йўқотиб, таниб бўлмас даражада ўзгарган бошқа турк актрисалари (фото).
- Суратга олиш майдончасида жанжал келтириб чиқарган энг инжиқ турк актёр ва актрисалари (фото).
- Сериалларда бирга суратга тушган бўлса-да, саҳна ортида бир-бирини кўрарга кўзи йўқ турк актёр ва актрисалари (фото).
- Турк киносининг таниқли актёр ва актрисалари ҳамда машҳурликда улардан қолишмайдиган фарзандлари (фото).
Изоҳ (0)