Ҳинд киноси юлдузи Шоҳруҳ Хон Саудия Арабистонида «Dunki» фильмининг суратга олиш ишларини якунлаб, Макка шаҳрида Умра амалларини адо этди. Ушбу ҳолат акс этган қисқа видео ҳамда фотосуратлар ижтимоий тармоқларда кенг тарқалди.
Шоҳруҳ Хоннинг ўзи Instagram’даги саҳифасида суратга олиш ишлари учун шароит яратиб берган Саудия Арабистони маданият вазирлиги ҳамда ижодий жамоага миннатдорчилик билдириб, видео жойлади.
Маълумот учун, Шоҳруҳ Хон режиссёр Сиддхарт Ананднинг «Пуштун» фильми орқали уч йиллик ижодий танаффусдан сўнг кинога қайтмоқда. Ушбу фильмда яна бир машҳур ҳинд актёри Салмон Хон эпизод рол ижро этган. «Пуштун» фильмининг Ҳиндистондаги намойиши 2023 йилнинг 25 январь санасига белгиланган.
Мавзуга доир: «Пуштун», «Арслон» ва Болливуд қироли Шоҳрух Хон суратга тушаётган бошқа янги фильмлар
Изоҳ (0)