Xonanda Jasur Umirov “Omon-omon” ko‘rsatuviga bergan intervyusida nima sababdan qizlarning ismiga qo‘shiq kuylashi, aslida do‘stlari bo‘lmagani va hamkasblarining ijodiga munosabati haqida gapirib berdi.
Jasur Umirov nima sababdan ko‘p qo‘shiqlarini qizlarining ismiga atab kuylashi haqida
Aslida qo‘shiqlarimda ismni ishlatishdan qochishga harakat qilaman. Lekin ism qo‘yilsa qanaqadir xit darajasiga chiqish foizi yanada oshadi. Ism qo‘ysa, ashula o‘zgaradi.
“Rayhonning ijodiga ham, hayotiga ham umuman qiziqmayman”
Men Rayhonni ijodiga ham, hayotiga ham umuman qiziqmayman. Hattoki ko‘rishib qolsak, salomlashmaymiz ham. Rayhonni singlim yaxshi ko‘radi, shu sababdan uni to‘ylarga chaqirar edim. Boshqa san’atkorlarga pul berilmaydi, qaysi san’atkorni chaqirsam kelgan. Har safar Rayhonga pulini beraman, chunki so‘raydi.
Ayol xonandalardan Ziyodaning, Kanizaning ijodi yoqadi. Zulayho opam bilan duet kuylagan bo‘lar edim, ovozimiz ham tushsa kerak. Bunga uning ovoz tembrlari sabab. Bolaligimda Anvar Sanayevga qiziqqanman. O‘sha paytda butun O‘zbekiston Anvar akamning muxlisi bo‘lgan.
“Hozir hammadan ko‘nglim qolib ketgan”
Aslida do‘stlarim yo‘q ekan, ikkiyuzlamachi bo‘lgan. Umuman qo‘lidan ish kelmaydigan bolalarni ham qo‘liga ish berib, uy, mashina, xotin olishiga yordam berganman. Hammasiga yordamim teggan. Biroq insonni boshiga qandaydir musibat tushganda ular yo‘qolib qolar ekan. Hattoki hol-ahvol ham so‘rashmadi. Bu gapiriladigan, so‘raladigan gap emas. Shuning uchun indamay qo‘ydim, qarasam men insonlarni ajratishni umuman bilmas ekanman. Hozir hammadan ko‘nglim qolib ketgan, shuning uchun ko‘rsatuvlarda kam ko‘rinishga harakat qilaman. Faqat tinchgina ijod qilaman.
Shuningdek Jasur Umirov hamkasblari haqidagi fikrlarini bildirib o‘tdi
Ahad Qayum — Lahad Qayum, Sharof Muqimov — yaxshi inson, Liil Xurramovni tanimayman, Nuriman Sultonxo‘jayevga tilim ojiz, Kaniza — Ledi Gaga, Halimaxonim — sudya, Sardor Mamadaliyev ertalabdan turganda “ohh” deb ovoz chiqadi — shu. Yulduz Usmonovani umuman eshitmayman, ovozi ham yoqmaydi, Bunyodbek Saidov — Xorazm hokimi, chunki har bir san’atkor borganda hokimni kutib olgandek kutib oladi: oqibati yaxshi.
Mavzuga doir:
- Instagram: Farzandli bo‘lgan Kaniza, Dilnoza Kubayeva xonadonida to‘y, 3800 dollar jarima to‘lagan Jasur Umirov.
- Instagram: Jasur Umirov uylanmoqda, Jumadulla Rametovning tug‘ilgan kuni nishonlandi, “Afandining qizlari” tugatildi.
- “Boshim toshga tegganidan so‘ng sevgimni izlamay qo‘ydim”. Jasur Umirov oddiy oilaning qiziga uylanish niyati borligi haqida gapirdi.
- Instagram: Jasur Umirov oyog‘ini sindirdi, “VIA Marokand” xonandasi Asal yangi mashinali bo‘ldi, Lola ustalardan norozi.