Дрю Берримор болалигиданоқ машҳур бўлган. У жуда эрта омма эътиборига тушганлиги сабабли бу нарса ҳаётининг баъзи жиҳатларига жиддий таъсир қилади. Аммо қиз ҳамма нарсага қўл силтаган пайтда ҳақиқий дўсти — Кемерон Диасни учратади.
Кемерон билан учрашгунга қадар Дрюнинг ҳаёти қандай эди?
Дрю ўзининг актрисалик истеъдодини биринчи марта 11 ойлик бўлганида реклама роликларида кўрсатди. Қиз санъатда катта муваффақиятларга эришган актёрлар оиласида туғилган. Аммо жамоатчилик актрисанинг маҳоратини унинг биринчи картинаси — Герти ролини ўйнаган Стивен Спилбергнинг «Ўзга сайёралик» фильмида кўрди.
Берримор 7 ёшидаёқ мафтункор қиз сифатида машҳур эди. Аммо 9 ёшга тўлганида, ҳамма нарса кескин ўзгарди. Онасининг таъсири туфайли у тез-тез ўз ёшидаги бола бўлмаслиги керак бўлган вазиятларга тушиб қоларди.
«Ҳаётимдаги энг ёмон босқич 13 ёшимда бўлган бўлса керак», — дейди Дрю. Кейин онаси уни руҳий касалликлар шифохонасига ётқизади. Актриса бу жойдан нафратланарди, охир-оқибат у ўзгаради ва ота-онасининг қарамоғидан қутулишга ҳаракат қилади.
Дрю ва Кемерон бир-бири билан танишгач, бир умрлик дўст бўлиб қолишди
Дрю ҳар қандай чекловлардан озод бўлди: ҳаётини ўз зиммасига олишга ва қайтадан бошлашга тайёр эди. Актриса яқинда ҳаётининг энг муҳим дақиқаларида уни қўллаб-қувватлайдиган одам билан учрашишини ҳали билмасди.
Дрю ўсмирлик чоғида қаҳвахонада ишлаган. Бир куни тасодифан у Кемерон Диаснинг столига хизмат кўрсатади. «Биз 14 ёшимда танишдик, у эса 16 ёшда эди. Мен қаҳвахонада ишлардим, у эса модель эди», — дейди Берримор. — Биз ҳалигача қадрдон дўстмиз».
Шундан сўнг ҳаммаси ўзгарди: Дрю Кемерон туфайли ҳаётини яхшилашга муваффақ бўлди. «Чарли фаришталари» фильмини суратга олиш пайтида улар Люси Лю билан ҳам дўстлашишди.
Актрисалар яхши кунда ҳам, ёмон кунда ҳам бирга бўлди. Дрю Кемероннинг севгилиси ташлаб кетганида доимо ёнида бўлди. Кемерон ҳам ўз навбатида Дрю 2 қизи бор Уилл Копелман билан ажрашганидан кейин унга таскин берди.
Иккала актриса ҳам жаҳон юлдузи бўлишларига қарамай, оддий одамлардек дўст. «Биз тез-тез севги, ҳаёт, йўқотишлар ҳақида суҳбатлашардик, лекин ҳеч қачон карьерамиз ҳақида гаплашмасдик», — дейди улар.
Шунча йиллардан кейин ҳам қадрдон дўст
Голливудда дўстлик ва севги барқарор эмас, лекин Кемерон Диас ва Дрю Берриморнинг ришталари 30 йилдан ортиқ вақт синовидан ўтди. «Биз ҳақиқий қийинчиликларни бирга бошдан кечирамиз — мана шу дўстлигимизнинг сири».
Аёллар кўпинча бирга вақт ўтказишни ва энг оддий нарсалар билан машғул бўлишни яхши кўришларини айтишади: овқат пишириш, харид қилиш ва юракдан гаплашиш каби. «Биз бир-биримизга қаёққадир кетаётган, рақсга тушаётган ёки нимадир ҳақида гаплашаётган видеоларни юборамиз», — дейди Берримор.
«Биз ҳамма нарсани бирга бошдан кечирдик: фарзанд кўриш, турмуш қуриш, ажралишлар, тушиш-у кўтарилишлар, иш ва саёҳатлар. Биз бирга қилолмайдиган ҳеч нарса йўқ», — дейди Берримор.
Улар ўша кафеда тасодифан учрашиб қолганида ўрталарида бундай кучли дўстлик бўлишини тасаввур ҳам қилишмаган. Бу ажойиб аёллар кўп йиллар давомида дўстлик қандай бўлишини исботлаб келмоқда.
Мавзуга доир:
Изоҳ (0)